25.11.2024 | 13:28
Բեռնատարն ընկել է գետը, վարորդը մահացել է
Սպիտակ տունը մտահոգություն է հայտնել Թայվանի նեղուցում Չինաստանի ակտիվության կապակցությամբ
Քաղաքականություն
26.12.2022 | 22:38
ԱՄՆ-ն անհանգստացած է Թայվանի նեղուցում Չինաստանի ժողովրդական ազատագրական բանակի (PLA) գործողություններով։ Այս մասին ասվում է Սպիտակ տան Ազգային անվտանգության խորհրդի հայտարարության մեջ, գրում է ՏԱՍՍ-ը՝ հղում անելով Reuters-ին։
Սպիտակ տունը հայտարարել է, որ Պեկինի գործողություններն ապակայունացնող են։
«Մենք կշարունակենք աջակցել Թայվանին բավարար ինքնապաշտպանական կարողությունների պահպանման հարցում՝ մեր երկարաժամկետ պարտավորություններին և «Մեկ Չինաստանի» քաղաքականությանը համապատասխան»,- ասվում է հայտարարության մեջ:
Թայվանի Պաշտպանության նախարարությունն այսօր ավելի վաղ հրապարակած ամենօրյա զեկույցում հայտնել է, որ վերջին օրվա ընթացքում Թայվանի նեղուցի գոտում գրանցել է PLA նավատորմի 7 նավ և 71 ինքնաթիռ։ Զեկույցում ասվում է, որ 47 միավոր PLA ռազմական ինքնաթիռ հատել է Թայվանի նեղուցի, այսպես կոչված, միջին գիծը և մտել ՀՕՊ նույնականացման գոտի՝ կղզուց հարավ։
Թայվանի նեղուցի տարածաշրջանում լարվածությունը սրվել է օգոստոսի 2-3-ին ԱՄՆ Կոնգրեսի Ներկայացուցիչների պալատի նախագահ Նենսի Փելոսիի Թայբեյ կատարած այցից հետո, որն առաջացրել է Չինաստանի իշխանությունների սուր արձագանքը։
