17.02.2026 | 20:53
Ռուբեն Վարդանյանին զրկել են արդար դատաքննության իրավունքից. պաշտպանները՝ Բաքվի դատարանի վճռի մասին
Խաչատուրյանը գովել է Փաշինյանին, Լաչինի միջանցքը փակ է արդեն 12 օր․ Լուրեր
Քաղաքականություն
23.12.2022 | 13:25
- Արցախի շրջափակման 12-րդ օրն է։ Ադրբեջանցիների կողմից Լաչինի միջանցքի փակման պայմաններում որոշակի դեղամիջոցների, մանկական սննդի և այլ ապրանքների պակաս կա։
- ԱՄՆ Ազգային անվտանգության հարցերով խորհրդական Ջեյք Սալիվանը հեռախոսազրույցներ է ունեցել Հայաստանի անվտանգության խորհրդի քարտուղար Արմեն Գրիգորյանի և Ադրբեջանի նախագահի աշխատակազմի արտաքին հարաբերությունների վարչության պետ Հիքմեթ Հաջիևի հետ։ Սալիվանը կոչ է արել լիարժեք վերականգնել ազատ տեղաշարժը Լաչինի միջանցքով, առանց նշելու՝ ում է ուղղված կոչը։
- Այս գիշեր, ժամը 03:15-ի սահմաններում, Ադրբեջանի ԶՈՒ ստորաբաժանումները հրաձգային զինատեսակներով կրակել են Վերին Շորժայի ուղղությամբ տեղակայված հայկական դիրքերի ուղղությամբ: Ադրբեջանցիները կիրառել են նաև ականանետ: ՀՀ ՊՆ-ից հայտնում են, որ հայկական կողմը կորուստներ չի ունեցել:
- Ինչպես է ստացվում, որ Հայաստանում այսպիսի հաջողություններ ենք ունենում։ Այս հարցը նախագահ Վահանգն Խաչատուրյանն է տվել վարչապետ Նիկոլ Փաշինյանին երեկվա հանդիպման ժամանակ։ Խաչատուրյանը գովել է Փաշինյանի կառավարության տնտեսական քաղաքականությունը՝ պնդելով, թե ներկա բարձր տնտեսական աճը հենց կառավարության գործողությունների արդյունք է։
Այս ժամի լուրերը՝ տեսանյութում։
