23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
«Հայաստանը պետք է բռնի մեկնած խաղաղության ձեռքը»․ Հուլուսի Աքար
Քաղաքականություն
22.12.2022 | 12:34
Թուրքիայի ՊՆ ղեկավար Հուլուսի Աքարը Ադրբեջանի ու Վրաստանի պաշտպանության նախարարների հետ եռակողմ հանդիպումից հետո մամուլի ասուլիսում խոսել է նաև Հայաստանից, գրում է Անադոլու գործակալությունը։ Նա հայտարարել է, թե «Հայաստանը պետք է բռնի խաղաղության և բարեկամության մեկնած ձեռքը»։
«Հայաստանը պետք է օգտվի այս հնարավորությունից, եթե Հայաստանը խուսափի հրադադարի խախտումներից և պահպանի հրադադարի համաձայնագիրը, կարող է դառնալ խաղաղության և կայունության մի մասը։ Տարածաշրջանում տևական խաղաղության ու հանգստության հաստատումը կնպաստի տարածաշրջանի բոլոր երկրների անվտանգությանն ու տնտեսական բարեկեցությանը»,- ասել է թուրք նախարարը։ Նա նաև հայտարարել է, թե Թուրքիան հանդես է գալիս տարածաշրջանում խաղաղության օգտին։
«Մենք մեծ ջանքեր ենք գործադրում խաղաղության և կայունության համար Սև ծովում, ինչպես նաև՝ Կովկասում»,-ասել է Աքարը։
Էմմա Չոբանյան
