20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Ռուբեն Վարդանյանը՝ ՄԱԿ-ի ԱԽ նիստի մասին․ ՏԵՍԱՆՅՈՒԹ
Քաղաքականություն
21.12.2022 | 10:37
Արցախի պետնախարար Ռուբեն Վարդանյանը ֆեյսբուքյան ուղիղ եթերում տեսաուղերձով անդրադարձել է երեկ տեղի ունեցած ՄԱԿ ԱԽ նիստին։
Վարդանյանի գնահատմամբ՝ ՄԱԿ-ի Անվտանգության խորհրդում Արցախի հարցի քննարկումն ուրախալի է:
«Իսկապես շատ կարևոր է, որ նորից հնչեց Լեռնային Ղարաբաղի, Արցախի հարցը՝ ամենաբարձր կազմակերպության քննարկման օրակարգում, և շատ կարևոր է, որ արձագանքը մի կողմանի էր՝ անընդունելի է այն, ինչը կատարվում է․ 200 ժամից ավել արդեն փակ է Արցախի ճանապարհը, բլոկադայի մեջ ենք։
Եվ ամբողջ աշխարհի, բոլոր երկրների արձագանքը շատ կտրուկ էր, և պարզ՝ սա անընդունելի է, և պետք է միջանցքը բացվի առանց նախապայմանների կամ քննակումներով։ Ընդհանուր որոշումն այդպիսին էր, որ սա անընդունելի իրավիճակ է»,- հայտարարեց Վարդանյանը:
Պետնախարարը շնորհակալություն հայտնեց բոլոր մարդկանց և կազմակերպություններին ու պետություններին և Հայաստանի կառավարությանը, որ զբաղվել են այդ խնդրով:
Մանրամասները՝ տեսանյութում։
