20.02.2026 | 15:41
Շրջանցում ենք փոսերը, մեր մեքենաները վնասներ չեն կրել. փոխքաղաքապետ․ ՏԵՍԱՆՅՈՒԹ
ՀԱՊԿ-ից առաջինը քաղաքական գնահատական էինք ակնկալում, հետո նոր՝ ռազմատեխնիկական օգնություն. Միրզոյան․ ՏԵՍԱՆՅՈՒԹ
Քաղաքականություն
07.12.2022 | 18:15
Վերջերս Երևանում անցկացված ՀԱՊԿ գագաթնաժողովի արդյունքներով Հայաստանը չի միացել մի շարք փաստաթղթերի ստորագրմանը, որոնք ուղարկվել են լրամշակման: Ի՞նչ փուլում է լրամշակման գործընթացը և Հայաստանն ի՞նչ ակնկալիքներ ունի այդ փաստաթղթերից: ԱԺ-Կառավարություն հարցուպատասխանի ընթացքում ՀՀ ԱԳ նախարար Արարատ Միրզոյանն անդրադառնալով այս հարցերին՝ նշեց․ «Ակնկալիքն է՝ հստակ արձանագրել այն, ինչ տեղի է ունեցել, իսկ դա է՝ Ադրբեջանի կողմից ՀՀ ինքնիշխան տարածք ներխուժում, քաղաքացիական ենթակառուցվածքների թիրախավորում և այլն, և դրանից բխող գործողությունների ձեռնարկում:
Երբ խոսում ենք ՀԱՊԿ-ի մասին, պետք է ընդգծենք, որ ՀԱՊԿ-ը ռազմաքաղաքական դաշինք է, որտեղ պետությունները պայմանավորվել են պաշտպանել միմյանց տարածքային ամբողջականությունը՝ պաշտպանել դիվանագիտական, քաղաքական եղանակներով, բայց եթե հարկ լինի, նաև ռազմական ճանապարհով։
Մենք ակնկալում էինք, որպեսզի ՀԱՊԿ-ի մեր գործընկերներն այս ոգով վերաբերվեն նաև ընդունվելիք որոշումներին, ինչը, ցավոք, չարժանացավ այդպիսի վերաբերմունքի մյուս երկրների կողմից: Այժմ աշխատանքները շարունակվում են»։
Մանրամասները՝ տեսանյութում։
