05.06.2026 | 19:43
Թաթոյանը պնդում է՝ Փաշինյանի իշխանությունը մեծացրել է Ռուսաստանից կախվածությունը․ որ պնդումն է ճիշտ, որը՝ սխալ
Պելեն ծանր վիճակում է․ մեծ ֆուտբոլիստին աջակցության խոսքեր են հնչում ամբողջ աշխարհից
04.12.2022 | 10:54
Աշխարհի եռակի չեմպիոն և պատմության մեծագույն ֆուտբոլիստներից մեկը՝ Պելեն, ծանր վիճակում գտնվում է հիվանդանոցում, փոխանցում է BBC-ի ռուսական ծառայությունը։
82-ամյա Պելեն, որին մեկ տարի առաջ հեռացրել էին ուռուցքը, երեքշաբթի օրը հոսպիտալացվել էր Սան Պաուլոյում:
Անցած շաբաթ Պելեի մոտ ախտորոշվել էր շնչառական վարակ, իսկ ուրբաթ օրը Սան Պաուլոյի Ալբերտ Էյնշտեյնի հիվանդանոցը հայտնել է, որ նրա վիճակը կայուն է:
Այնուամենայնիվ, դեկտեմբերի 3-ին Բրազիլիայից հաղորդումներ են ստացվել, որոնք չեն հաստատվել BBC-ի կողմից, որ Պելեն այլևս չի արձագանքում քիմիաթերապիային և պալիատիվ խնամքի կուրս է ստանում:
Շաբաթ օրը ավելի ուշ Սան Պաուլոյի հիվանդանոցը, որտեղ նա գտնվում է, կրկին հրապարակել է հաղորդագրություն, որ Պելեն «դեռ բուժվում է, և նրա վիճակը կայուն է»:
Շաբաթ երեկոյան նա հրապարակել է մի հաղորդագրություն, որ ինքն «ամուր է և լի հույսով»:
«Ես ցանկանում եմ, որ բոլորը հանգիստ և դրական մնան»,- գրել է Պելեն Instagram-ում:
Մեծ ֆուտբոլիստին աջակցության խոսքեր են հնչում ամբողջ աշխարհից:
«Աղոթեք թագավորի համար»,- գրել է ֆրանսիացի հարձակվող և աշխարհի առաջնության աստղ Կիլիան Մբապեն։
