19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
«Փորձում ենք պատրաստվել հնարավոր աղետներին»․ ամփոփվեց ԵՄ-ի երկամյա Թվինինգ ծրագիրը․ ՏԵՍԱՆՅՈւԹ
Հասարակություն
02.12.2022 | 19:15
Շուրջ 2 տարի, հայ փրկարարները աշխատել ու վերապատրաստվել են Շվեդիայից և Լիտվայից ժամանած փորձագետների հետ համագործակցելով։ Նպատակը Հայաստանում բնակչության պաշտպանության հզորացումն է։ Թվինինգ․ այսպես է կոչվում ծրագիրը, որը Եվրամիության ֆինանսավորման շնորհիվ հնարավոր է եղել իրագործել։ 2020-ին մեկնարկած ծրագիրն այսօր արդեն ամփոփում է արդյունքները։
Օրենսդրական փոփոխություններն ու ռազմավարության ընդունումը կլինի ամենամեծ ձեռքբերումը ծրագրի ընթացքում․ ասում է Նախարարության փրկարար ծառայության փոխգնդապետ Արմինե Հայրապետյանը, նշելով, որ ծրագրի կարևորագույն կետերից մեկն էլ հենց դա էր՝ օրենսդրության համապատասխանեցումը։ Եթե նախկին օրենքն ուղղված է եղել աղետների արձագանքման մեխանիզմներին, ապա նորը կկոչվի «Աղետների ռիսկի կառավարման և բնակչության պաշտպանության օրենք»։ Եվրոպական միության կողմից ֆինանսավորվող «Բնակչության պաշտպանության ուժեղացումը Հայաստանում» թվինինգ ծրագիրն իրականացնելու գործում Հայաստանին օգնում են մրցութային կարգով ընտրված Շվեդիայի Արտակարգ իրավիճակների գործակալությունն ու Լիտվայի Հանրապետության Ներքին գործերի նախարարությանն առընթեր հրշեջ-փրկարարական վարչությունը։ Ծրագրի արդյունավետությունը Արտակարգ իրավիճակների նախարարը բարձր է գնահատում, իսկ ծրագրի մշտական խորհրդատու, Շվեդիայի ներկայացուցիչ Անաստասիա Էզերեցը ծրագրի բոլոր բաղադրիչները գրեթե 90 տոկոսով իրականացված է համարում։ Ծրագրի ավարտին բոլոր կողմերը համակարծիք են՝ ի սկզբանե դրված նպատակները իրագործված են, հիմա քննարկվում է թվինինգ ծրագրի շարունակականության հարցը։
Մանրամասները՝ տեսանյութում։
Սաթենիկ Հայրապետյան
