05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Կրեմլը հայտարարել է Ուկրաինայում ՌԴ-ի նպատակներին հասնելու երկու ճանապարհի մասին
Քաղաքականություն
17.11.2022 | 20:00
Ուկրաինական կարգավորման հարցում Ռուսաստանի նպատակները հայտնի են, դրանց կարելի է հասնել ինչպես բանակցությունների, այնպես էլ «հատուկ ռազմական գործողության միջոցով»։ Այս մասին ասել է ՌԴ նախագահի մամուլի քարտուղար Դմիտրի Պեսկովը՝ պատասխանելով հարցին, թե ո՞ր կողմը պետք է լինի շփումների վերսկսման նախաձեռնողը, գրում է ՏԱՍՍ-ը։
«Ցանկացած բանակցություն ունի նպատակ։ Մեր նպատակները հայտնի են, և այդ նպատակներին կարելի է հասնել կա՛մ հատուկ ռազմական գործողության, կա՛մ բանակցությունների միջոցով: Ռուսաստանը բաց է երկուսի համար էլ»,- ընդգծել է Կրեմլի խոսնակը:
Նա հավելել է, որ, այսպես կոչված, «հատուկ ռազմական գործողության» շարունակությունը կախված չէ եղանակային պայմաններից, այն շարունակվում է, և նպատակները կիրականացվեն։
«Հատուկ ռազմական գործողությունը շարունակվում է, և դրա շարունակությունը կախված չէ կլիմայական, եղանակային պայմաններից»,- ասել է Պեսկովը։
Տաթև Ֆռանգյան
