10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
Փաշինյանն է հանրությանը հրամցնում ադրբեջանական թեզեր. Գեղամ Մանուկյան․ ՏԵՍԱՆՅՈՒԹ
Քաղաքականություն
17.11.2022 | 11:39
«Հայաստան» խմբակցության պատգամավոր Գեղամ Մանուկյանը ԱԺ ավանդական ճեպազրույցների ժամանակ կարծիք հայտնեց, որ բանակում իշխանության հայտարարած բարեփոխումները ձևական բնույթ են կրում։
«Դեռ 2022 թվականի փետրվարին պաշտպանության նախարար Սուրեն Պապիկյանը հայտարարել էր, որ շուտով կներկայացնի պաշտպանական ռազմավարությունը, փաստաթուղթը պատրաստ է, բայց արդեն նոյեմբեր ամիսն է, մինչ օրս ռազմավարություն չկա, բայց փորձում են տպավորություն ստեղծել, թե բանակում արմատական բարեփոխումներ են իրականացվում։
ԶՈՒ ռազմավարության բացակայությունը ցույց է տալիս, որ այդ բոլոր ծրագրերը կենացային մակարդակում են»,- նշեց Մանուկյանը։
Պատգամավորը հավելեց, որ վերջերս ԱԺ պաշտպանության մշտական հանձնաժողովի նախագահ Անդրանիկ Քոչարյանին ցույց է տվել մի լուսանկար, որտեղ երևում է, որ եռամսյա հավաքներին մասնակցող պահեստազորայիններին հանդերձանքի համար տրամադրել են 1940-ականների սաղավարտներ՝ կարմիր աստղով։
«Որքան էլ Նիկոլ Փաշինյանն և պաշտպանության նախարարը մեզ համոզեն, որ չխոսենք բանակում բահի ու քլունգի կարիքի մասին, միևնույնն է, ցանկացած մարդ, ով առնչություն է ունեցել առաջնագծի հետ, կարող է վկայել, որ այնտեղ բացակայում են բահն ու քլունգը»,-հավելեց Մանուկյանը։
Մանրամասները՝ տեսանյութում։
