05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Հյուսիսային Կորեան հերթական բալիստիկ հրթիռն է արձակել Արևելյան ծովի ուղղությամբ
Քաղաքականություն
17.11.2022 | 20:53
Հյուսիսային Կորեան նոյեմբերի 17-ին անհայտ բալիստիկ հրթիռ է արձակել Արևելյան ծովի ուղղությամբ: Այս մասին հայտնում է Yonhap լրատվական գործակալությունը՝ հղում անելով հարավկորեացի զինվորականներին։
Արձակման մասին հայտարարել է Հարավային Կորեայի միացյալ շտաբի պետը՝ այլ մանրամասներ չհայտնելով։ Նրա խոսքով՝ սա մեկ շաբաթվա ընթացքում առաջին հրթիռային սադրանքն էր։
Արձակումը տեղի է ունեցել այն բանից հետո, երբ Հյուսիսային Կորեան նախազգուշացրել է, որ «ավելի կոշտ» ռազմական գործողություններ կձեռնարկի, եթե Միացյալ Նահանգները հավատարիմ մնա դաշնակիցների զսպող ուժը մեծացնելու իր արշավին:
Հիշեցնենք, որ ԿԺԴՀ-ն հրթիռների նախորդ արձակումն իրականացրել էր անցյալ շաբաթ՝ բալիստիկ հրթիռ արձակելով Ճապոնական ծովի ուղղությամբ։
Դրանից հետո ԱՄՆ նախագահ Ջո Բայդենը Չինաստանի առաջնորդ Սի Ցզինպինին կոչ է արել ազդել Հյուսիսային Կորեայի վրա և զգուշացրել, որ պետություններն անպայման կպատասխանեն, եթե ԿԺԴՀ-ն միջուկային նոր փորձարկումներ իրականացնի։
Տաթև Ֆռանգյան
