14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Սուպերմարկետների սեփականատերերը գործարարներ էին դարձել ոչ թե իրենց խելամտության, այլ՝ իշխանությանը մոտ կանգնելու հաշվին․ Վահագն Խաչատրյան․ ՏԵՍԱՆՅՈՒԹ
Տնտեսություն
05.06.2018 | 14:43
Ամենատխուրն ու անհասկանալին կատարվող ողջ պատմության մեջ այն է, որ սուպերմարկետների սեփականատերերը կարող են պետության և քաղաքացիների հետ այդ լեզվով խոսել։ Այս մասին այսօր «Կառավարության հակակոռուպցիոն գործողությունները» թեմայով հանրային քննարկման ընթացքում ասաց տնտեսագետ Վագահն Խաչատրյանը։
«Իրենք մեղավոր չեն, մեղավորն այն մարդիկ են, ովքեր խաղի կանոններ են թելադրել։ Նրանք դարձել են գործարար՝ ոչ թե իրենց խելամտության, այլ իշխանությանը մոտ կանգնելու հաշվին։ Իրենց միշտ ասել են, որ դուք եք որոշողը։ Իրենց մոտ եղել է համոզվածություն, որ իրենք ինչ ուզում են կանեն։ Չգիտեմ՝ ինչքանով հասկացան, որ դա այդպես չէ»,- ասաց տնտեսագետը։
Վերջինս նկատեց, որ պետությունը տնտեսական մեխանիզմներ պետք է կիրառի բոլոր տնտեսվարողների նկատմամբ, և այդ մարդիկ պետք է գան և բացատրություն տան: «Այն, որ 7 տոկոսանոց տնտեսական արդյունքը չի զգացվում, տարիների ընթացքում ձևավորված համակարգի արդյունքն է»,- ասաց տնտեսագետը։
Մանրամասները՝ տեսանյութում:
