16.09.2026 | 12:26
ԹՐԻՓՓ-ի համաձայնագիրը չի հակասում Մայր օրենքին․ ՍԴ-ն որոշում է կայացրել
Անին՝ առանց համայնքապետի․ ՔՊ-ն ու «Հայկական երազանքը» բոյկոտել են ավագանու անդրանիկ նիստը
Քաղաքականություն
11.11.2022 | 21:56
Այսօր նախատեսված էր Շիրակի մարզի Անի խոշորացված համայնքի նորընտիր ավագանու անդրանիկ նիստը, օրակարգում էր համայնքապետի ընտրության հարցը։ Նիստը ,սակայն, չի կայացել երկու քաղաքական ուժերի՝ 8 մանդատ ստացած «Քաղաքացիական պայմանագիր» և 3 մանդատ ստացած «Հայկական երազանք» կուսակցությունների ավագանու անդամների բոյկոտի պատճառով։
Նիստին ներկա են եղել միայն ՏԻՄ ընտրություններին մասնակցած և ամենաշատ ձայները հավաքած քաղաքական ուժի՝ «Ազգ-համայնք» դաշինքի 10 ներկայացուցիչներ, արդյունքում քվորում չի ապահովվել։ Այս քաղաքական ուժը գլխավորում է ՀՀԿ-ական՝ 18 տարվա համայնքապետ Արտակ Գևորգյանը։
Այսօր դադարեցվել են նաև Անիի գործող համայնքապետ Արտակ Գևորգյանի լիազորությունները, լրացել է նրա պաշտոնավարման ժամկետը։ Ավագանու հաջորդ նիստը նշանակվել է երկուշաբթի։
Եթե երկշաբաթյա ժամկետում քվորում չապահովվի ու Անիում իշխանություն չձևավորվի, գործադիրը, ըստ ՏԻՄ օրենքի, կդադարեցնի նորընտիր ավագանու լիազորությունները՝ նշանակելով համայնքապետի ժ/պ, այնուհետ կհայտարարվեն նոր ընտրություններ։
Արմիկ Մովսիսյան
