29.04.2026 | 22:21
Պուտինն ու Թրամփը հեռախոսազրույց են ունեցել
Բաքվի պատասխանը Թեհրանին․ Ադրբեջանի հատուկ ուժերն Իրանի հետ սահմանին զորավարժություններ են սկսել
Քաղաքականություն
02.11.2022 | 17:45
Ադրբեջանական սահմանին հոկտեմբերի սկզբին Իրանի անցկացրած զորավարժություններին ի պատասխան, որոնք անհանգստացրել էին Բաքվին, Ադրբեջանը որոշել է հատուկ ուժերի զորավարժություններ անցկացնել։
Մասնավորապես, Ադրբեջանի ՊՆ-ն հայտնում է, որ երկրի հարավային սահմաններին հատուկ նշանակության ուժերի զորավարժություններ են սկսվել՝ հատուկ նշանակության ուժերի հրամանատար, գեներալ-լեյտենանտ Հիքմեթ Միրզոևի գլխավորությամբ: Վարժանքների պլանի համաձայն՝ զորամասերը պատրաստվածության են բերվել «Տագնապ» ազդանշանով։
Զորավարժություններում ներգրավված են նաև ռազմաօդային և հրթիռահրետանային ուժերը։
Ըստ պլանի՝ զորավարժությունների հետագա փուլերում հատուկ նշանակության ստորաբաժանումները կատարելու են մի շարք առաջադրանքներ՝ համագործակցելով ռազմաօդային ուժերի և նրանց աջակցող հրթիռահրետանային ստորաբաժանումների հետ։
Հիշեցնենք, որ Իրանի Զինված ուժերը զորավարժություններ էին անցկացրել Ադրբեջանի հետ սահմանին, ինչը դժգոհություն էր առաջացրել Բաքվում։
Էմմա Չոբանյան
