20.02.2026 | 17:21
Արման Սարոյանին հոգևոր ծառայության վերականգնված Էդգար Հովհաննիսյանը մաքուր է իր խղճի առաջ․ ՏԵՍԱՆՅՈՒԹ
Միրզոյանը, Լավրովն ու Բայրամովը Սոչիում դեմ առ դեմ զրուցել են. Զախարովա
Քաղաքականություն
02.11.2022 | 16:42
Հայաստանի, Ռուսաստանի և Ադրբեջանի արտգործնախարարներ Արարատ Միրզոյանը, Սերգեյ Լավրովը և Ջեյհուն Բայրամովը հանդիպել են Սոչիի գագաթնաժողովի շրջանակում դեմ առ դեմ։ Այս մասին ճեպազրույցում հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։
«Դրանք պատվիրակությունների բանակցություններ չեն եղել, դա զրույց էր, դեմ առ դեմ շփումներ երեք նախարարների միջև: Խոսակցությունը տեղի է ունեցել նրանց ղեկավարների միջև տարվող բանակցությունների համատեքստում», – պարզաբանել է Զախարովան` այլ մանրամասներ չբացահայտելով։
Հիշեցնենք, որ հոկտեմբերի 31-ին Սոչիում տեղի է ունեցել եռակողմ գագաթնաժողով՝ Հայաստանի, Ռուսաստանի և Ադրբեջանի ղեկավարների՝ Նիկոլ Փաշինյանի, Վլադիմիր Պուտինի և Իլհամ Ալիևի մասնակցությամբ։ Բանակցությունների արդյունքում ընդունվել է համատեղ հայտարարություն:
