01.11.2024 | 23:19
Հրդեհ Գյումրու տներից մեկում
Բնակարան ձեռք բերելն ավելի դժվար է դառնում, դրանք գնում են նախարարները․ Աղազարյանը՝ պետական ծրագրերով անշարժ գույք ձեռք բերելու մասին․ ՏԵՍԱՆՅՈՒԹ
Տնտեսություն
31.10.2022 | 13:10
«Բնակարանների վարձակալության գները բարձրացան՝ հայտնի դեպքերի հետ կապված, նաև բնակարանների վաճառքի գներն են բարձրանում։ Արդյո՞ք նպատակահարմար չէ և ճիշտ չի լինի, որ կառավարությունը մտածի այդ ուղղությամբ սոցիալական հարցեր լուծելու մասին, որովհետև շարքային ընտանիքների համար բնակարան ձեռք բերելն ավելի ու ավելի է դժվարանում․ այստեղ ապրողներիս համար խնդիրներ են առաջանում»,- 2023թ. պետական բյուջեի նախագծի քննարկման ժամանակ, դիմելով ՀՀ ֆինանսների նախարար Տիգրան Խաչատրյանին, այս մասին նշեց «Քաղաքացիական պայմանագիր» խմբակցության պատգամավոր Հովիկ Աղազարյանը:
Նախարարն արձագանքեց՝ նշելով, որ կառավարությունն այդ ուղղությամբ շատ մեծ ծրագրեր է իրականացնում․ «Տեսեք նորակառույց բնակարանները մեր քաղաքացիների կողմից գնվում են, և եկամտահարկը վերադարձվում է։ Ամեն տարի եկամտահարկի վերադարձը տասնյակ միլիոններով է ավելանում»։
«Պարո՛ն Խաչատրյան, այդ բնակարանները գնում են ոչ թե անապահով ընտանիքները, այլ, օրինակ, նախարարները, փոխնախարարները և այլն»,- ասաց Աղազարյանը։
Խաչատրյանը հակադարձեց․ «Այդ 40 հազար շահառուների մեջ քանի՞ նախարար, փոխնախարար կարող է լինել․ մի քանիսը»։
Մանրամասները՝ տեսանյութում։
