01.11.2024 | 23:19
Հրդեհ Գյումրու տներից մեկում
2023-ին կապիտալ ծախսերը կկազմեն 548 մլրդ դրամ․ դեֆիցիտը կկազմի ՀՆԱ-ի 3,1 %ի չափով. նախարար․ ՏԵՍԱՆՅՈՒԹ
Տնտեսություն
31.10.2022 | 13:04
ԱԺ մշտական հանձնաժողովների համատեղ նիստում մեկնարկել է 2023 թ. պետական բյուջեի նախագծի քննարկումը:
Հայաստանում 2023թ. պետական բյուջեի նախագծով նախատեսված կապիտալ ծախսերը զգալիորեն կավելանան։ Այս մասին Ազգային ժողովում, խորհրդարանական մշտական հանձնաժողովների համատեղ նիստում 2023թ. պետական բյուջեի նախագծի քննարկման ժամանակ նշեց ՀՀ ֆինանսների նախարար Տիգրան Խաչատրյանը։
Նախարարի խոսքով՝ կապիտալ ծախսերի գումարը կկազմի մոտ 548 մլրդ դրամ, ինչը նախորդ տարվա կապիտալ ծախսերը կգերազանցի 49 տոկոսով։ Այսպիսով, կապիտալ ծախսերը կհասնեն ՀՆԱ 5,9 տոկոս նիշին, ինչը 1,5 տոկոսով ավելին է, քան 2022թ.։
«Նման մակարդակը նախատեսվում է պահպանել նաև գալիք տարիներին, ինչն արդեն բարձր ցուցանիշ է։ Բոլոր կապիտալ ծախսերի երեք քառորդը կուղղվի պաշտպանական ենթակառուցվածքի, ինչպես նաև անվտանգային այլ ենթակառուցվածքների ֆինանսավորմանը»,- նշեց Խաչատրյանը։
ՀՀ ֆինանսների նախարարի խոսքով՝ պետական բյուջեի դեֆիցիտը կկազմի ՀՆԱ-ի 3,1 %ի չափով։
Մանրամասները՝ տեսանյութում։
