19.02.2026 | 23:55
Եպիսկոպոսաց հավաքը հանդես է եկել հայտարարությամբ
Պուտինը հնարավոր է համարել Հայաստանի և Ադրբեջանի միջև հարաբերությունների կայուն կարգավորմանը հասնելը․ ՏԵՍԱՆՅՈՒԹ
Քաղաքականություն
28.10.2022 | 15:21
Ռուսաստանի նախագահ Վլադիմիր Պուտինն հայտարարել է, որ Բաքվի և Երևանի կողմից պայմանավորվածությունների հետևողական իրականացման շնորհիվ հնարավոր է հասնել կայուն խաղաղության, փոխանցում է ՌԻԱ Նովոստին։
«Անկասկած, խաղաղության միակ հնարավոր և իրատեսական ճանապարհը կարող է լինել այն ուղին, որը տրված է կողմերի կողմից Ռուսաստանի, Հայաստանի և Ադրբեջանի ղեկավարների հայտնի համատեղ հայտարարությունների բոլոր դրույթների խստիվ պահպանմամբ. հիմա չեմ թվարկի բոլորը»,- ասել է նա՝ ելույթ ունենալով ՀԱՊԿ երկրների ղեկավարների գագաթնաժողովում։
Պուտինն ընդգծել է, որ հայ-ադրբեջանական սահմանի սահմանազատման, տրանսպորտային հաղորդակցությունների ապաշրջափակման և հումանիտար խնդիրների լուծման համաձայնագրերի հետևողական իրականացման միջոցով «հնարավոր է հասնել Հայաստանի և Ադրբեջանի միջև հարաբերությունների կայուն կարգավորման»։
«Ինչ վերաբերում է հայ-ադրբեջանական կարգավորմանը, ապա այսօր էլ մենք անում ենք հնարավորը Բաքվի և Երևանի միջև հարաբերությունների համալիր և համապարփակ կարգավորմանը հասնելու համար»,- հավելել է Պուտինը։
Տաթև Ֆռանգյան
