20.11.2024 | 20:18
Արևմուտքի հետ լարվածության ֆոնին Պուտինը դադարել է ներկայանալ հանրությանը
Իրանում ՀՀ դեսպանությունը ցավակցություն է հայտնել Շիրազում ահաբեկչության կապակցությամբ
27.10.2022 | 22:33
Իրանի Իսլամական Հանրապետությունում Հայաստանի Հանրապետության դեսպանությունը խորին ցավակցություն է հայտնել 2022թ. հոկտեմբերի 26-ին Շիրազի Շահչերաղ սրբավայրում տեղի ունեցած ահաբեկչության և արձանագրված մարդկային զոհերի կապակցությամբ։
«Արմենպրես»-ի փոխանցմամբ՝ դեսպանության տարածած հայտարարությունում մասնավորապես նշված է. «Խստորեն դատապարտելով այդ սարսափելի ոճրագործությունը` դեսպանությունը այս դժվարին պահին իր զորակցությունն է հայտնում ԻԻՀ կառավարությանը և ժողովրդին, միաժամանակ շուտափույթ ապաքինում մաղթելով վիրավորներին»:
Հոկտեմբերի 26-ին 3 զինված անձինք կրակ էին բացել Իրանի Շիրազ քաղաքի Շահչերաղ սրբավայրում, որտեղ եղել են ուխտավորներ: Զոհվել է առնվազն 15 մարդ, շուրջ 40 մարդ վիրավորվել է։
