31.10.2026 | 22:55
Հայտնաբերվել է զինծառայողի դի. ՊՆ
ՀԱՊԿ-ից հստակ ակնկալիք ունենք, առաջիկայում նախաձեռնում ենք կոլեկտիվ ԱԽ արտահերթ նիստ․ Փաշինյան․ ՏԵՍԱՆՅՈՒԹ
Քաղաքականություն
26.10.2022 | 17:56
Ադրբեջանական վերջին ագրեսիայից հետո ի՞նչ պաշտոնական արձագանքներ կան ՀԱՊԿ-ից, և ի՞նչ ակնկալիքներ կան այս մասով: ԱԺ-Կառավարություն հարցուպատասխանի ընթացքում անդրադառնալով «Քաղաքացիական պայմանագիր» խմբակցության պատգամավոր Լիլիթ Մինասյանի այս հարցին, վարչապետ Նիկոլ Փաշինյանը նշեց․ «Մենք դիմել ենք ՀԱՊԿ-ին, նաև ՀԱՊԿ-ի կոլեկտիվ անվտանգության խորհրդի նիստում կայացվել է որոշում, որի արդյունքում խումբ է եկել Հայաստան և տեղում դիտարկել ու գնահատել իրավիճակը: Առաջիկայում նախաձեռնում ենք կոլեկտիվ անվտանգության խորհրդի արտահերթ նիստ, որ քննարկենք այդ զեկույցը: Հուսով եմ, որ հնարավորինս արագ տեղի կունենա նիստը:
Մեր ակնկալիքն է, որ ՀԱՊԿ-ը հստակ քաղաքական գնահատական կտա տեղի ունեցածին, կընդունի ճանապարհային քարտեզ՝ ՀՀ տարածքային ամբողջականությունը վերականգնելու վերաբերյալ»։
Փաշինյանը հավելեց, որ սա ոչ միայն ՀՀ Կառավարության, այլև ժողովրդի ակնկալիքն է:
«Կարծում եմ՝ այս երկու որոշումների կայացմամբ բազմաթիվ հարցեր, որոնք այս ընթացքում բարձրացվել են հանրության ու կառավարության կողմից, կստանան պատասխաններ»,- նշեց վարչապետը։
Մանրամասները՝ տեսանյութում։
