20.11.2024 | 20:04
Ադրբեջանի Միլլի Մեջլիսի նախագահը Ռուսաստան է ժամանել
Շվեդիայում տեղի է ունեցել ՀՀ քաղաքացիություն ստացած քաղաքացիների երդման արարողություն
Քաղաքականություն
25.10.2022 | 23:27
Հոկտեմբերի 25-ին Շվեդիայի Թագավորությունում Հայաստանի Հանրապետության դեսպանությունում առաջին անգամ տեղի ունեցավ ՀՀ քաղաքացիություն ստացած քաղաքացիների երդման արարողությունը։ Այս մասին տեղեկանում ենք Ստոկհոլմում ՀՀ դեսպանության ֆեյսբուքյան էջից։
ՀՀ ապագա քաղաքացիները երդվեցին հավատարիմ լինել Հայաստանի Հանրապետությանը, պահպանել Հայաստանի Հանրապետության Սահմանադրությունը և օրենքները, պաշտպանել Հայաստանի Հանրապետության անկախությունը և տարածքային ամբողջականությունը, պարտավորվեցին հարգել Հայաստանի Հանրապետության պետական լեզուն, ազգային մշակույթը և սովորույթները։
Դեսպան Ալեքսանդր Արզումանյանը քաղաքացիներին ուղղված շնորհավորական խոսքում ընդգծեց ՀՀ քաղաքացու պատիվն արժանապատվորեն կրելու կարևորությունը և բարի ընթացք մաղթեց նրանց։
