31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
«Արմավիր» ՔԿՀ-ի պետի նկատմամբ կիրառվել է կարգապահական տույժ
Հասարակություն
25.10.2022 | 19:23
Արդարադատության նախարարության վերահսկողական վարչության աշխատանքային խումբը՝ վարչության պետի տեղակալ Արտաշես Սուչյանի գլխավորությամբ, հավաքագրելով քաղաքացիների բողոքները և վեր հանելով այլ թերացումները, հետևողականորեն շարունակում է կարգապահական վարույթների շրջանակում նախատեսված միջոցներով պայքարել նախարարության ստորաբաժանումներում հայտնաբերվող անբարեխիղճ ծառայողների և արատավոր երևույթների դեմ: Այս մասին տեղեկանում ենք ՀՀ արդարադատության նախարարությունից։
«Ըստ այդմ՝ վերահսկողական վարչության կողմից 07.09.2022թ.-ին իրականացվել է ծառայողական քննություն՝ «Արմավիր» քրեակատարողական հիմնարկում:
Ծառայողական քննության ընթացքում ձեռք բերված փաստական և իրավական հանգամանքների վերլուծության արդյունքում պարզվել է, որ արդարադատության նախարարության «Արմավիր» քրեակատարողական հիմնարկի ղեկավարի կողմից նույն հիմնարկում պահվող կալանավորված անձ Ռ.Բ-ի 2022 թվականի հուլիսի 21-ին կալանքից ազատելու մասին N որոշումը հիմնարկի պետը կայացրել է «Ձերբակալված և կալանավորված անձանց պահելու մասին» օրենքի 42-րդ հոդվածով սահմանված պահանջների խախտմամբ, ուստի ծառայողական պարտականությունները ոչ պատշաճ կատարելու համար արդարադատության նախարարի պարտականությունները կատարող Գրիգոր Մինասյանի հրամանով կիրառվել է կարգապահական տույժ՝ «Քաղաքացիական ծառայության մասին» օրենքի 21-րդ հոդվածի 2-ին մասի համաձայն»,- ասվում է հաղորդագրության մեջ:
Ըստ աղբյուրի՝ ՀՀ արդարադատության նախարարությունը հետևողական է լինելու նմանատիպ դեպքերի բացահայտման ու կանխարգելման հարցում:
