27.06.2026 | 21:49
Վուչիչը հայտարարել է նախագահի պաշտոնում իր «վերջին օրերի» մասին
Էրիկ Ալեքսանյանին կալանավորելու որոշումը բողոքարկվել է
Հասարակություն
25.10.2022 | 18:47
Փաստաբան Էրիկ Ալեքսանյանին կալանավորելու որոշման դեմ վերաքննիչ բողոք է ներկայացվել։ Վերաքննիչ քրեական դատարանից Factor.am-ի հետ զրույցում հայտնեցին, որ բողոքը դեռևս չի մակագրվել, քանի որ առաջին ատյանի դատարանից գործը չի ստացվել։
Հիշեցնենք, որ Էրիկ Ալեքսանյանը կալանավորվել է հոկտեմբերի 19-ին՝ դատավոր Արշակ Մաթևոսյանի որոշմամբ։ Նա մեղադրվում է դատավոր Արուսյակ Ալեքսանյանին պաշտոնեական լիազորությունները չարաշահելու հարցում օժանդակելու մեջ։ Ըստ ԱԱԾ-ում հարուցված գործի՝ դատավոր Արուսյակ Ալեքսանյանը գրավի դիմաց ազատ է արձակել Ալեքսանյանի պաշտպանին, իսկ Էրիկ Ալեքսանյանն, ըստ մեղադրանքի, օժանդակել է Ալեքսանյանին։
Էրիկ Ալեքսանյանը մինչև կալանավորվելը լրագրողների հետ ճեպազրույցում հայտնել է, որ ինքը պարզապես կատարել է իր մասնագիտական պարտականությունն ու պաշտպանյալին գրավի դիմաց ազատ արձակելու միջնորդություն ներկայացրել։
