18.05.2026 | 13:11
Միջազգային հյուրերը՝ ջրում. Բաքվում հեղեղն ու անձրևը խաթարել են ՄԱԿ-ի WUF-13 ֆորումի բացումը. ՏԵՍԱՆՅՈՒԹ
Ուկրաինան կոտրում է «աշխարհի երկրորդ բանակը»․ Զելենսկի
Քաղաքականություն
25.10.2022 | 13:47
Ուկրաինայի դեմ լայնածավալ պատերազմ սանձազերծելով՝ Ռուսաստանը կորցրել է իր ողջ ներուժն ու հեղինակությունը աշխարհում, և հիմա նա միայն «մուրացկան» է լինելու։ Այս մասին հայտարարել է նախագահ Վլադիմիր Զելենսկին իր երեկոյան տեսաուղերձում։
«Ուկրաինան ջարդում է, այսպես կոչված, աշխարհի երկրորդ բանակը, և այժմ Ռուսաստանը միայն մուրացկան է լինելու։ Նա Իրանում ինչ-որ բան է մուրում, փորձում է ինչ-որ բան քամել արևմտյան պետություններից՝ Ուկրաինայի մասին զանազան անհեթեթություններ հորինելով, վախեցնելով, խաբելով։ Այլևս երբեք Ռուսաստանը չի լինի սուբյեկտ, որը կարող է ինչ-որ մեկին ինչ-որ բան թելադրել. նա այլևս թելադրելու ներուժ չունի: Աշխարհը դա տեսնում է։ Ռուսական ներուժն այժմ ծախսվում է այս խելագարության վրա՝ մեր պետության և ամբողջ ազատ աշխարհի դեմ պատերազմի»,- ասել է Զելենսկին։
Ուկրաինայի նախագահն ընդգծել է, որ Ռուսաստանի Դաշնությունն արդեն կորցրել է իր գազային ազդեցությունը, և նրա քաղաքական կշիռը վերածվել է օրեցօր աճող մեկուսացման։
Ըստ նրա՝ որքան Ռուսաստանը կորցնի իր ներուժը, այնքան իրական ազատություն կտրվի բոլոր ժողովուրդներին թե՛ Ռուսաստանի մերձակայքում, թե՛ նրա սահմաններին։
Տաթև Ֆռանգյան
