31.10.2026 | 22:35
Հայաստանի ներկայացուցիչ Ալինա Չարաևան դուրս եկավ եզրափակիչ
Բաքուն հայտնել է Զինված ուժերում նոր կորուստների մասին
Քաղաքականություն
25.10.2022 | 22:21
Ադրբեջանի ԶՈՒ-ում հերթական կորուստներն են գրանցվել։ Տեղական լրատվամիջոցների հաղորդմամբ՝ Նախիջևանում նախօրեին զինծառայող է զոհվել։
Նշվում է, որ ադրբեջանական բանակի զինծառայող, 1999 թվականին ծնված Մայիլ Քազիմովը մահացել է իրեն կցված զենքից ստացած հրազենային վիրավորումից։ Դեպի առթիվ Նախիջևանի ռազմական դատախազությունում հետաքննություն է իրականացվում։
Բացի այդ, Ջալիլաբադի Գյունեշլի գյուղում արձակուրդում գտնվող մի զինծառայող ինքնասպան է եղել։ 2003 թվականին ծնված Մուրադ Շահբազովը կախվել է իր տանը։ Շահբազովը ծառայությունն անցել է Արցախի գրավյալ Քարվաճառում։ Այս մասին Գյունեշլիի գործադիր իշխանության ներկայացուցիչ Էլդենիզ Ջաֆարովն է հայտնել։
«Մի քանի օր առաջ Մուրադ Շահբազովը կույր աղիքի վիրահատության է ենթարկվել, դրա համար նա տանն էր։ Նա ստիպված է եղել երկար մնալ գյուղում, այլ խնդիրներ չեն եղել։ Ինքնասպանության դրդապատճառը դեռևս հայտնի չէ։ Ընտանիքը նույնպես ոչինչ չգիտի այդ մասին»,- ասել է Ջաֆարովը:
Գլխավոր դատախազությունից էլ հայտնել են, որ հետաքննություն է իրականացվում շարքային Մուրադ Շահբազովի ինքնասպանության դեպքի կապակցությամբ։
Էմմա Չոբանյան
