19.12.2025 | 18:11
Երեք ռուս սահմանապահներ հատել են Էստոնիայի սահմանը և 20 րոպե մնացել երկրում
Շոյգուի հեռախոսազանգերը ՆԱՏՕ-ին վախեցնելու ու պառակտելու փորձեր են․ ISW
Քաղաքականություն
24.10.2022 | 12:21
Վաշինգտոնում գործող Պատերազմի ուսումնասիրման ինստիտուտի (ISW) ամենօրյա վերլուծական զեկույցի մեծ մասը նվիրված է օտարերկրյա գործընկերների հետ ՌԴ ՊՆ ղեկավար Սերգեյ Շոյգուի հեռախոսազանգերին, գրում է BBC-ի ռուսական ծառայությունը։ Շոյգուն հայտարարել էր, թե Ուկրաինան,իբր, պատրաստվում է օգտագործել «կեղտոտ ռումբ» և հետո դրանում մեղադրել Ռուսաստանին։ Ուկրաինան հերքում է, որ ունի նման ռումբ։ ISW-ն կարծում է, որ սա կոչված է դադաղեցնելու կամ դադարեցնելու Ուկրաինային Արևմուտքի ռազմական օգնությունը և ՆԱՏՕ-ի ներսում պառակտում սերմանելու։
«Քիչ հավանական է, որ Ռուսաստանն ինքն է պատրաստում նման գործողություն «ուրիշի դրոշի տակ»։ Ռուսաստանը, նույնիսկ պատերազմի ներկայիս սուր փուլի մեկնարկից առաջ, անհիմն մեղադրում էր Ուկրաինային զանգվածային ոչնչացման զենքի տիրապետելու ու օգտագործելու ձգտման մեջ։ Ռուսական քարոզչությունն էլ մշտապես առաջ էր քաշում այդ կեղծ թեզը»,-ասվում է զեկույցում։ Նաև նշվում է, որ Շոյգուի հայտարարությունները ևս չեն վկայում «ոչ մարտավարական միջուկային զենքի» կիրառման նախապատրաստման մասին։ Դրա կիրառման որոշումը անձամբ ընդունելու է Պուտինը և հետևաբար դա կանխատեսել հնարավոր չէ։ Սակայն ISW-ն կարծում է, որ այդ զենքերը Պուտինին թույլ չեն տա հասնել իր ռազմական նպատակներին՝ ո՛չ Ուկրաինան, ո՛չ Արևմուտքը, ամենայն հավանականությամբ, զիջումների չեն գնա:
ISW-ի փորձագետները գալիս են եզրակացության, որ Շոյգուն միայն փորձում է վախեցնել Ուկրաինայի արևմտյան դաշնակիցներին, որ նրանք դադարեցնեն կամ դանդաղեցնեն Կիևի ռազմական օգնությունը։
Էմմա Չոբանյան
