19.12.2025 | 19:33
Յուրա Մովսիսյանը լավատեսորեն է տրամադրված Հայաստանի հավաքականի ապագայի վերաբերյալ
Էրդողանը հայտարարել է, թե «Զանգեզուրի միջանցքի» հետ կապված մտավախություններն անհիմն են
Քաղաքականություն
20.10.2022 | 21:37
Թուրքիայի նախագահ Ռեջեփ Թայիփ Էրդողանը այսօր Ադրբեջանի նախագահ Իլհամ Ալիևի հետ մամուլի ասուլիսում, կրկին խոսել է Հայաստանի տարածքով գոյություն չունեցող միջանցքից։
«Որոշ շրջանակների մտավախություններն ու մտահոգությունները «Զանգեզուրի միջանցքի» հետ կապված, որը Նախիջևանը կապելու է Ադրբեջանի արևմտյան հատվածներին, իմ կարծիքով անհիմն են։ Ղարաբաղի այս բոլոր քայլերից հետո նման վախի տեղ չկա։ Հաստատակամ քայլերով Ադրբեջանը շարունակում է իր ճանապարհը։Այդ ճանապարհը կնպաստի տարածաշրջանի խաղաղությանը, հանգստությանը և կայունությանը և առևտրի և ներդրումային հնարավորություններ կապահովի բոլոր երկրների համար, որոնք գտնվում են Կասպից ծովով արևելք-արևմուտք կենտրոնական միջանցքի երթուղու վրա»,-ասել է Էրդողանը։
Հավելենք,որ Հայաստանը պաշտոնական մակարդակով բազմիցս հայտարարել է, որ ՀՀ տարածքով որևէ միջանցք տալու որևէ պարտավորություն չունի, գոյություն չունի նաև այդ մասին միջազգային փաստաթուղթ։
Էմմա Չոբանյան
