20.02.2026 | 21:45
«Կամասուտրա»՝ պատմության դասագրքի փոխարեն. ինչպես է Arajin Chariq-ը թիրախավորում քաղաքական գործիչներին
Տարածաշրջանում բալանսը փոխվել է․ Դեյվիդ Փրայս․ ՏԵՍԱՆՅՈՒԹ
Քաղաքականություն
18.10.2022 | 17:00
ՀՀ Ազգային ժողովում մեկնարկել է ԱՄՆ Ներկայացուցիչների պալատի Ժողովրդավարական գործընկերության հանձնախմբի (ԺԳՀ) նախագահ Դեյվիդ Փրայսի և ՀՀ ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանի ասուլիսը։
Դեյվիդ Փրայսը, անդրադառնալով հարցին, թե ի՞նչ ռազմական համագործակցություն կարող է լինել Հայաստանի ու ԱՄՆ միջև, նշեց․ «Որևէ կոնկրետ հայտարարություն դրա վերաբերյալ այսօր չունեմ, բայց խոսնակ Փելոսին շատ հստակ անդրադարձ արել է։
Ակնհայտ է, որ տարածաշրջանում բալանսը փոխվում է՝ հաշվի առնելով Ռուսաստանի հետ կապված իրադարձությունները։ Միգուցե որոշ ուժեր այլևս այնքան արմատական չեն, ինչպես եղել են։ Եվ վստահաբար կլինեն փոփոխություններ, այս պահին քննարկումներ տեղի են ունենում և մեր ընկերների միջև, մասնավորապես, այն մասին, թե ինչ հարաբերություններ կզարգանան, ներառյալ անվտանգային տիրույթում։ Այս քննարկումները բավական ինտենսիվ են ընթանում այս պահին»։
