21.04.2026 | 19:15
Պուտինը գիտի՝ ռուսամետ ուժերը ՀՀ-ում իշխանության չեն գա, ուզում է՝ ԱԺ մտնեն, ՌԴ-ի շահերը պաշտպանեն․ Միքայել Զոլյան. ՏԵՍԱՆՅՈՒԹ
Իրանն Ադրբեջանի հետ սահմանին շարունակում է զորավարժությունները. իրանցի գեներալը՝ հարևան երկրներին ուղղված ուղերձի մասին
Քաղաքականություն
18.10.2022 | 16:53
Իրանի Արևելյան Ատրպատական նահանգի հյուսիսում երկրորդ օրն է՝ շարունակվում են Իսլամական հեղափոխության պահապանների կորպուսի (ԻՀՊԿ) ցամաքային զորքերի զորավարժությունները, գրում է Mehr-ը։
Երեքշաբթի առավոտյան զորավարժությունների տարածք են ուղարկվել նաև ԻՀՊԿ ցամաքային զորքերի այլ ստորաբաժանումներ։ Արասի շրջանի զորավարժությունների տարածք են ուղարկվում տարբեր տեսակի տանկեր, թնդանոթներ, զրահատեխնիկա, հրթիռային ստորաբաժանումներ, օժանդակ մեքենաներ և այլ տեխնիկա։
Վարժանքների երկրորդ օրը զորավարժությունների տարածք է այցելել Իսլամական հեղափոխության պահապանների կորպուսի ցամաքային զորքերի հրամանատար, բրիգադի գեներալ Մոհամմադ Փաքփուրը։
Նա հայտարարել է, որ զորավարժությունների ուղերձը հարևան երկրներին խաղաղության ու բարեկամության և կայուն անվտանգության ամրապնդումն է, իսկ թշնամիներին՝ հայտարարելու Իսլամական հեղափոխության պահապանների կորպուսի ցամաքային ուժերի պատրաստակամության մասին՝ այլ զինված ուժերի հետ միասին պաշտպանելու երկրի սահմանները և վճռականորեն արձագանքելու ցանկացած սպառնալիքի։
Տաթև Ֆռանգյան
