15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Գալջյանն ու Ավինյանը հակադարձեցին Ավանեսովին․ ՏԵՍԱՆՅՈՒԹ
Քաղաքականություն
18.10.2022 | 12:43
«Պարո՛ն Ավինյան, սա ավագանու նիստ է, ոչ թե կարգավարական նիստ․ այդ բոլոր հարցերի պատասխանները դուք կարող էիք ձեր մեջ, նաև ձեր սիրելի ուղիղ եթերներում բարձրաձայնել»,- այս մասին Երևանի ավագանու նիստում նշեց ավագանու անդամ Էռնեստ Ավանեսովը՝ անդրադառնալով նիստի օրակարգին և մասնավորապես Երևանի փոխքաղաքապետ Տիգրան Ավինյանի դիտարկմանը, որ տրանսպոտի հետ կապված հարցն առաջնային է։
«Կխնդրեմ օրենսդրությունը կարդալ, քաղաքապետի տեղակալներն իրավուք ունեն մասնակցել ավագանու նիստերին և նաև արտահերթ ելույթներ ունենալ»,- արձագանքեց Երևանի ավագանու «Իմ քայլը» խմբակցության ղեկավար Հովհաննես Գալջյանը։
«Ենթադրում եմ, որ պարոն Ավանեսովը կարծում է, որ ավագանու նիստում առավել կարևոր հարցեր կան քննարկելու։
Ես առիթից օգտվեցի, որովհետև քաղաքապետարանի տրանսպորտի վարչության պետի պաշտոնակատար Հայկ Սարգսյանը հաճախ չի լինում և գործակարգավարական նիստի ժամանակ նման հնարավորություն չի ունենում՝ մանրամասն ներկայացնելու երևի թե այն ամենասուր խնդիրը, որը պետք է լինի և՛ գործադիրի, և՛ ավագանու ուշադրության կենտրոնում։
Պարոն Ավանեսովն, իհարկե, իրավունք ունի ինձ հետ չհամաձայնելու և պնդելու, որ շատ ավելի այլ կարևոր հարցեր կան»,- նշեց Ավինյանը։
Մանրամասները՝ տեսանյութում։
