05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Ղրիմի կամրջի գործով 5 անձ է կալանավորվել, որոնցից 3-ը հայեր են
Քաղաքականություն
14.10.2022 | 12:57
Սիմֆերոպոլի՝ Կիևի շրջանային դատարանը, բավարարելով մեղադրող կողմի միջնորդությունը, կալանավորել է Ղրիմի կամրջի վրա տեղի ունեցած պայթյունի քրեական գործով անցնող հինգ մեղադրյալների։ Այս մասին «Ինտերֆաքսին» հայտնել է իրազեկ աղբյուրը, գրում է Meduza-ն։
«Կասկածյալների նկատմամբ խափանման միջոց է ընտրվել կալանավորումը՝ մինչև դեկտեմբերի 8-ը», – հայտնել է աղբյուրը։ Ըստ նրա՝ խոսքը Արտեմ Ազատյանի, Գեորգի Ազատյանի, Ռոման Սոլոմկոյի, Վլադիմիր Զլոբի և Արթուր Տերչանյանի մասին է։ Գործով երկու մեղադրյալների փաստաբանները հրաժարվել են մեկնաբանություն տալ։
Ավելի վաղ ՌԴ ԱԴԾ-ի տարածած հաղորդագրության մեջ հիշատակվում էր միայն մեկ հայկական անուն-ազգանուն՝ Արթուր Տերչանյան, որը Հայաստանի և Վրաստանի երկքաղաքացիություն ունի։
Գործակալության հաղորդագրության մեջ Արտեմ և Գեորգի Ազատյանների անուները հիշատակված չէին, այս պահին նաև հայտնի չէ, արդյո՞ք նրանք ՀՀ քաղաքացիություն ունեն։
Տաթև Ֆռանգյան
