Այս հրթիռային հարվածները ՌԴ-ի տեռորիզմն են խաղաղ բնակչության դեմ․ ցավալի պատասխան է ստանում Պուտինի բանակը․ Տիգրան Ավագյան․ ՏԵՍԱՆՅՈՒԹ

Լուրեր

22.11.2026 | 10:58
Վարդենյաց լեռնանցքում ձյուն է տեղում, հանրապետության մի շարք շրջաններում՝ անձրև
22.11.2026 | 10:42
Նոյեմբերի 22-ին Մեղրի քաղաքի և Արարատ գյուղի մի շարք հասցեներում ջուր չի լինի
22.11.2026 | 10:12
Քարի լիճ տանող ճանապարհը փակ է, Լարսը՝ բաց բոլոր տեսակի տրանսպորտային միջոցների համար
22.11.2026 | 01:11
Սերգեյ Ջանջոյան. «Դենիս Ջորկաեֆն արդեն հասցրել է իր իսկ հայտարարած սկզբունքներին դեմ գնալ»
21.11.2026 | 23:51
Դենիս Ջորկաեֆ. «Տեղափոխվում եմ Հայաստան, սովորում եմ հայերեն»
21.11.2026 | 21:28
Դենիս Ջորկաեֆը` ՀՖՖ նախագահի թեկնածու
21.11.2026 | 20:05
3,1 միլիոնի շուրջ կասկածներ․ ինչպե՞ս են հաշվում բնակչության թիվը․ ԱՉՔԻ ՏԱԿ
21.11.2026 | 19:41
GTA VI-ն ռեկորդային վաճառք է գրանցել՝ մեկ օրում ապահովելով 3,79 միլիարդ դոլարի եկամուտ
21.11.2026 | 19:12
Քննարկվել են Հայաստան-Մալթա հարաբերությունների հետագա խորացման հարցեր
21.11.2026 | 19:01
Այսօրվա Երևանն ագրեսիվ քաղաք է, մենք ենք փոխվել, դրան զուգահեռ՝ քաղաքը․ Էմ Կալմուխյան. ՏԵՍԱՆՅՈՒԹ
21.11.2026 | 18:54
Կենտրոնում ամբողջ շաբաթ փոշու պարունակությունը գերազանցել է սահմանային շեմը
21.11.2026 | 18:23
Հայաստանը և Իրանը պայմանավորվել են ընդլայնել համագործակցությունը բարձր տեխնոլոգիաների և նորարարության ոլորտներում
21.11.2026 | 18:02
Փաշինյանն ընդունել է Dell Technologies-ի տարածաշրջանային նախագահին․ քննարկվել են Հայաստանում նոր ներդրումների հնարավորությունները
21.11.2026 | 17:57
Վարչապետը հանդիպում է ունեցել է Խաղաղության Նոբելյան մրցանակակիր Քայլաշ Սաթյարթիի հետ
21.11.2026 | 17:46
ՏԻՄ ընտրությունների նախընտրական փուլում արձանագրվել է 43 միջադեպ և խախտում․ «Անկախ դիտորդ»
Բոլորը

Ուկրաինայի տարածքների՝ ռուսական զավթումը խորհրդանշող Ղրիմի կամրջի պայթեցմանը հաջորդեցին 7 տասնյակից ավելի հրթիռների հարվածներն ուկրաինական քաղաքներին։ Մի քանի տասնյակ զոհ ու վիրավորներ են եղել, ենթակառուցվածքային հսկայական վնասներ են հասցվել։ Միաժամանակ, ԱՄՆ նախագահ Ջո Բայդենն Ուկրաինայի նախագահ Վլադիմիր Զելենսկիին ասել է, որ շարունակելու են Կիևին անհրաժեշտ օգնություն ցուցաբերել։

«Ուկրաինան բեկել է պատերազմի ընթացքը և դիմակայում է ռուսական ուժերին, որոնք հյուծված վիճակում են»,- ասել է Մեծ Բրիտանիայի Կառավարական կապի կենտրոնի (GCHQ) ղեկավար Ջերեմի Ֆլեմինգը։

BBC-ն հատվածներ է հրապարակել հատուկ ծառայության ղեկավարի ելույթից։ Ըստ GCHQ-ի՝ չնայած նախօրեին Ուկրաինայի տարածքի վրա տեղի ունեցած զանգվածային հրթիռակոծություններին՝ ռուս զինվորականների զինամթերքը սպառվում է, իսկ ՌԴ նախագահ Վլադիմիր Պուտինի որոշումները սխալ դուրս եկան։

Պատերազմի ներկա ընթացքի մասին Factor TV-ն զրուցել է Ուկրաինայի ներքին գործերի նախկին փոխնախարար, քաղաքագիտության դոկտոր Տիգրան Ավագյանի հետ։ Նա իրապես կիսում է բրիտանական հետախուզության տվյալը, որ պատերազմում բեկում է մտցվել։

«Պուտինը սխալվեց՝ այս պատերազմը սկսելով։ Ուկրաինայի զորքը մեծ հաջողությամբ կռվում է ռուսների դեմ՝ ազատագրելով նոր տարածքներ։ Այս հրթիռային հարվածները ՌԴ-ի տեռորիզմի վկայությունն են խաղաղ բնակչության դեմ։ Միաժամանակ, ուկրաինական կողմից շատ ցավալի պատասխան է ստանում Պուտինի բանակը»,- ասաց Տիգրան Ավագյանը։

Հայ ժողովուրդն իր մաշկի վրա է զգացել թուրքերի և ադրբեջանցիների վայրագությունները՝ ցեղասպանության, խոշտանգումների տեսքով։ Սակայն չի եղել պատկերացում հայաստանյան հասարակությունում, որ իր դաշնակիցը համարվող ՌԴ-ի բանակը ևս կարող է խաղաղ մարդկանց ոչնչացնելու ձեռագիր ունենալ։ Տիգրան Ավագյանն ասում է, որ ռուս զինվորը Ուկրաինա է գնացել որպես մարդասպան, և եթե ուկրաինացիները չկռվեն, գիտեն, որ կսպանվեն։

«Ռուսներից ազատագրված քաղաքներում սպանված երեխաների, բռնաբարված կանանց տասնյակ դիակներ են հայտնաբերվել»,- պատմեց Տիգրան Ավագյանը։

Ուկրաինայի դեմ պատերազմով հօդս ցնդեց հզոր ռուսական բանակի լեգենդը, որին հենց իրենք՝ ռուսները համարում էին աշխարհում երկրորդը հզորությամբ։ Տիգրան Ավագյանն Ուկրաինայի ՆԳՆ-ում իր պաշտոնավարման տարիներին անձամբ է զբաղվել ուկրաինական բանակի՝ ՆԱՏՕ-ի չափանիշներով վերականգնման աշխատանքներին։ Նա նշում է, որ 2014 թվականին՝ Ղրիմի և Դոնբասի բռնազավթման շրջանում, կարելի է ասել, Ուկրաինան չուներ բանակ՝ մի քանի հազար հոգի էր պատրաստ պատերազմել, մինչդեռ հիմա բանակի թվաքանակը հասնում է ընդհուպ մեկ միլիոնի։

Ըստ նրա՝ Հայաստանը ևս շանս ունի անցում կատարել իր ձախողումն ապացուցած ռուսական բանակի մոդելից արևմտյան չափանիշով զինուժին․ «ԱՄՆ-ը շանս տվեց ՀՀ-ին՝ մտնել անվտանգության իր համակարգ․ ճիշտ ընտրությունը կփրկի հայ ազգին»։

Քաղաքագիտության դոկտորը ՀՀ-ի դեպքում պարտադիր անհրաժեշտություն է համարում նաև ռազմաքաղաքական անցումը դեպի ԱՄՆ-ի հետ խորը համագործակցության տարածք։

Հարցազրույցն ամբողջությամբ՝ տեսանյութում։

Ռոբերտ Անանյան