21.04.2026 | 17:45
Ադրբեջանը չի ապահովել Լեռնային Ղարաբաղի հակամարտությունից տուժած անձանց պաշտպանությունը. Amnesty International
Վրաստանը հերքում է Ղրիմի կամրջի պայթեցմանն իր առնչությունը
Քաղաքականություն
12.10.2022 | 17:18
Պայթուցիկով բեռնատարը չի հատել Վրաստանի մաքսային սահմանը, այս ամենը ենթադրություն է։ Լրագրողներին այս մասին ասել է Վրաստանի ֆինանսների փոխնախարար Գիորգի Կակաուրիձեն, գրում է Սպուտնիկ Գրուզիան։
ՌԴ Քննչական կոմիտեի ղեկավար Ալեքսանդր Բաստրիկինն ավելի վաղ հայտնել էր, թե քննիչները և ՌԴ ԱԴԾ աշխատակիցները, իբր, հայտնաբերել են Ղրիմի կամրջի վրա ահաբեկչության մեջ կասկածվողներին և նրանց հետ կապ ունեցող անձանց, նաև պարզել է բեռնատարի երթուղին մինչև պայթյունը: Ըստ այդ տեղեկությունների՝ այն, իբր, անցել է Բուլղարիայով, Վրաստանով, Հայաստանով, Հյուսիսային Օսիայով և Կրասնոդարի երկրամասով։
«Մաքսային սահմանը չի անցել ո՛չ կցասայլ, ո՛չ տրոտիլով կամ այլ պայթուցիկով բեռնված վագոն։ Ես ոչ մեկին չպետք է արդարացնեմ: Եթե ինչ-որ մեկը ողջամտորեն հիմնավորի, որ հատել է Վրաստանի սահմանը, այդ դեպքում հետաքննություն կսկսվի, և պատասխանատու անձինք կբացահայտվեն»,- ասել է Կակաուրիձեն։
«Ինչպես են աշխատում մաքսային ծառայությունները վերահսկողության առումով՝ լավ գիտեն մեր բոլոր միջազգային գործընկերները, այդ թվում՝ Եվրամիությունը և Միացյալ Նահանգները: Մենք նրանց հետ անընդհատ համագործակցում ենք»,- ասել է Կակաուրիձեն:
Տաթև Ֆռանգյան
