18.12.2025 | 18:18
Գարեգին Բ-ի դեմ ընդվզած եպիոսկոպոսները ժամանեցին Մայր Աթոռ․ նրանց ելույթն ուղեկցվեց սուլոցներով․ ՏԵՍԱՆՅՈՒԹ
Հունաստանն ու Թուրքիան, մի կողմ դնելով լարվածությունը, ուղիղ ծովային հաղորդակցություն են սկսել
Քաղաքականություն
11.10.2022 | 22:52
Թուրքիան և Հունաստանը, մի կողմ թողնելով երկարատև ռազմավարական մրցակցությունը, բացել են «բարեկամության գիծ» լաստանավային կապը հունական Սալոնիկի և թուրքական Իզմիրի նավահանգիստների միջև։ Այս մասին գրում է AFP-ը, որին վկայակոչում է Turkish Minute-ը։
Հունական Levante Ferries բեռնափոխադրող ընկերությունը հայտարարել է, որ MV «Smyrna di Levante» նավը սկսել է ուղևորափոխադրումներ և բեռնափոխադրումներ երկու երկրների միջև, որն առաջին ուղիղ ծովային կապն է տարածաշրջանային մրցակիցների միջև: Ընկերությունից նշել են, որ մինչև 948 ուղևոր և մինչև 300 մեքենա տեղափոխող նավը կխթանի հարևանների առևտրային շահերը և կխորացնի կապերը:
Նավը Սալոնիկիից դեպի Իզմիր առաջին փորձնական նավարկությունը սկսել է երկուշաբթի երեկոյան ժամը 17։15-ին՝ 35 հոգով, հիմնականում Levante-ի աշխատակիցներ:
«Մենք ցանկանում ենք կապել Եվրոպան և Ասիան՝ օգուտ քաղելով շուկայի պահանջարկից՝ խթանելու ծովային և զբոսաշրջային տրանսպորտը»,- ասել է կազմակերպության հույն օպերատոր Յանիս Դիմիտրիադիսը։
Հավելենք, որ վերջին շրջանում հատկապես Էգեյան ծովի հունական կղզիների հետ կապված կտրուկ աճել է լարվածությունը Հունաստանի և Թուրքիայի միջև։ Անկարայից պարբերաբար տարբեր սպառնալիքներ են հնչում Աթենքի հասցեին։
Էմմա Չոբանյան
