13.04.2026 | 23:32
Հոսանքազրկումներ՝ Երևանում և մարզերում
Սիրով համաձայնել եմ ՔՊ-ի՝ ԿԸՀ-ում մնալու ու աշխատանքս շարունակելու առաջարկին. Արմեն Սմբատյան․ ՏԵՍԱՆՅՈՒԹ
Քաղաքականություն
07.10.2022 | 16:47
ԱԺ արտահերթ նիստում պատգամավորները քննարկում են Կենտրոնական ընտրական հանձնաժողովի անդամների ընտրության հարցը:
ԱԺ «Քաղաքացիական պայմանագիր» խմբակցությունը ԿԸՀ անդամի թեկնածու է առաջադրել Արմեն Սմբատյանին:
2007-2011 թթ. Սմբատյանը ՀՀ թիվ 10 ընտրատարածքային ընտրական հանձնաժողովի նախագահի տեղակալ է եղել: Դասավանդել է ՀՀ համայնքային ծառայության վերապատրաստման, ՀՀ ընտրական հանձնաժողովների անդամների լիցենզավորման դասընթացներում: Երկու անգամ արժանացել է ՀՀ վարչապետի շնորհակալագրի:
2011 թ. հուլիսին Հայաստանի Հանրապետության նախագահի հրամանագրով նշանակվել է ՀՀ կենտրոնական ընտրական հանձնաժողովի անդամ, ընտրվել հանձնաժողովի քարտուղար:
Իր ելույթում Սմբատյանը նշեց, որ դեռ անելիք ունի ԿԸՀ-ում: «Սիրով համաձայնել եմ ՔՊ-ի՝ ԿԸՀ-ում մնալու ու աշխատանքս շարունակելու առաջարկին»,- ասաց Արմեն Սմբատյանը։
«Մեր ընտրությունները դիտարկվել և արժանվույնս գնահատվել են միջազգային կազմակերպությունների կողմից: Վերջին բոլոր սոցիալական հարցումներում ԿԸՀ-ն ունի բարձր վարկանիշ: Մենք պետք է ունենանք հանձնառություն այս վարկանիշը պահելու և դեռ առաջ գնալու, որովհետև 1, 2 կամ 3 անգամ արված ընտրությունները դեռ չեն նշանակում ժողովրդավարության հաստատում: Ժողովրդավարության ինստիտուտների զարգացումը, կարծում եմ՝ շատ ավելի մեծ ընդգրկում ունի, քան ընտրությունները»,- նշեց Սմբատյանը:
Մանրամասները՝ տեսանյութում։
