08.06.2026 | 10:20
Հայաստանն ընտրել է իր սեփական ժողովրդավարական ուղին՝ չնայած սպառնալիքներին․ Լատվիայի նախագահը շնորհավորել է Փաշինյանին
Լիտվան արտաքսում է երկրում ՌԴ գործերի ժամանակավոր հավատարմատարին
Քաղաքականություն
03.10.2022 | 17:12
Լիտվան հայտարարել է Ռուսաստանի գործերի ժամանակավոր հավատարմատար Սերգեյ Ռյաբոկոնի արտաքսման մասին, գրում է DW-ի ռուսական ծառայությունը։
Դիվանագետը կանչվել է երկրի ԱԳ նախարարություն և նոտա է հանձնվել նրան պերսոնա նոն գրատա հայտարարելու մասին, ասվում է Լիտվայի ԱԳՆ կայքում տեղադրված հաղորդագրության մեջ։ Ռյաբոկոնին հինգ օր ժամանակ է տրվել՝ երկիրը լքելու համար։
«Լիտվան նման որոշում է կայացրել՝ հաշվի առնելով իրավասու մարմինների տրամադրած տեղեկատվությունը, որ Ռյաբոկոնի վերջին գործողություններն ու հայտարարությունները համապատասխան չեն իր դիվանագիտական կարգավիճակին, դիտարկվում են որպես երկրի ներքին գործերին միջամտություն, հետևաբար խախտում են դիվանագիտական հարաբերությունների Վիեննայի կոնվենցիան»,- ասվում է ԱԳՆ հայտարարության մեջ։
ՌԴ ԱԳՆ-ն հայտնել է, որ Մոսկվան կպատասխանի այդ քայլին։
Լիտվայի ԱԳՆ-ն նաև բողոքել է Ռուսաստանի նախագահ Վլադիմիր Պուտինի՝ «Ուկրաինայի Դոնեցկի, Լուգանսկի, Խերսոնի և Զապորոժիեի շրջանների անօրինական բռնակցման վերաբերյալ»։
Էմմա Չոբանյան
