08.06.2026 | 10:20
Հայաստանն ընտրել է իր սեփական ժողովրդավարական ուղին՝ չնայած սպառնալիքներին․ Լատվիայի նախագահը շնորհավորել է Փաշինյանին
Բուլղարիայում ընտրություններում առաջատար է Բոյկո Բորիսովը
Քաղաքականություն
03.10.2022 | 16:48
Բուլղարիայի նախկին վարչապետ Բոյկո Բորիսովի կուսակցությունը գլխավորում է արտահերթ խորհրդարանական ընտրությունները։ Այս մասին են վկայում exit poll-ի տվյալները։ Gallup International-ի գնահատականներով՝ GERB-SDS դաշինքը կարող է ստանալ ձայների գրեթե մեկ քառորդը։
Սա զգալիորեն ավելին է, քան նախկին իշխող կուսակցության՝ Կիրիլ Պետկովի «Շարունակել փոփոխությունները» կուսակցության կանխատեսված արդյունքը՝ 19%-ը։
Ըստ exit poll-ի, ընդհանուր առմամբ, խորհրդարան են անցնում ութ քաղաքական միավորումներ՝ հաղթահարելով 5%-ի արգելքը։ Ավելի վաղ քաղաքագետները, մեկնաբանելով ընտրություններից առաջ անցկացված սոցհարցումների նմանատիպ արդյունքները, նշել էին, որ այս իրավիճակում Բոյկո Բորիսովը ստիպված կլինի բանակցել ոչ այնքան սկզբունքային քաղաքական հակառակորդների հետ՝ կոալիցիա կազմելու համար։
Երկու տարվա ընթացքում սա Բուլղարիայում չորրորդ խորհրդարանական ընտրություններն են։ Դրանք նշանակվել են վերջին իշխող կոալիցիայի փլուզումից և Կիրիլ Պետկովի կառավարությանն անվստահություն հայտնելուց հետո, ով իրեն ռուսական քաղաքական ինտրիգների զոհ է անվանել՝ Մոսկվային ռուբլով գազի դիմաց վճարելուց հրաժարվելու համար։
Տաթև Ֆռանգյան
