13.12.2024 | 17:40
Փոխզիջումային լուծումներ են պետք․ Փաշինյանի ելույթը՝ Եվրասիական միջկառավարական խորհրդի նիստին․ ՏԵՍԱՆՅՈՒԹ
Նարեկ Մկրտչյանն ընդունել է Համաշխարհային բանկի ներկայացուցիչներին
Տնտեսություն
03.10.2022 | 17:54
Աշխատանքի և սոցիալական հարցերի նախարար Նարեկ Մկրտչյանն ընդունել է Համաշխարհային բանկի ներկայացուցիչներին՝ կազմակերպության Հայաստանի գրասենյակի տնօրեն Կարոլին Գեգինատի գլխավորությամբ․ տեղեկացնում են ՀՀ աշխատանքի և սոցիալական հարցերի նախարարությունից։
«Հանդիպման ընթացքում քննարկվել են աշխատանքի և սոցիալական պաշտպանության ոլորտում համագործակցության նոր ձևաչափերին, «Սոցիալական պաշտպանության վարչարարության երկրորդ ծրագրի» (ՍՊՎԾ 2) շրջանակում արդեն իսկ իրականացված ու նախատեսվող աշխատանքներին առնչվող մի շարք հարցեր։
Ամփոփվել են նաև ՍՊՎԾ 2 ծրագրի շրջանակում արձանագրված արդյունքները․ ներկայացվել է Միասնական սոցիալական ծառայության արդեն իսկ շահագործման հանձնված, ինչպես նաև շինարարական աշխատանքների փուլում գտնվող տարածքային կենտրոնների վերաբերյալ ամփոփ տեղեկատվություն։ Անդրադարձ է կատարվել նաև արդյունքահենք ֆինանսավորման ձևաչափով համագործակցության հնարավորությանը՝ միաժամանակ ընդգծվել նաև Միասնական սոցիալական ծառայության կենտրոնական գրասենյակի կառուցման, Միասնական տեղեկատվական համակարգի ամբողջական ներդրման, ինչպես նաև մարդկային կապիտալի զարգացման ուղղությամբ ջանքերի համախմբման կարևորությունը։
Հանդիպման ավարտին կողմերը պատրաստակամություն են հայտնել շարունակել համատեղել ջանքերն աշխատանքի և սոցիալական պաշտպանության ոլորտի շարունակական զարգացման ուղղությամբ»,- ասված է հաղորդագրությունում։
