18.12.2025 | 19:26
Պապիկյանը ՆԱՏՕ-ի գլխավոր քարտուղարի տեղակալի հետ քննարկել է գործընկերության ընթացքը և զարգացման հեռանկարները
Խաբարովսկի երկրամասում մոբիլիզացվածների կեսը սխալմամբ է զորակոչվել
Քաղաքականություն
03.10.2022 | 13:14
Խաբարովսկի երկրամասի մոբիլիզացված բնակիչների մոտավորապես կեսը սխալմամբ է կանչվել, հայտնել է նահանգապետ Միխայիլ Դեգտյարյովը։ Քաղաքական գործչի ելույթը հրապարակվել է նրա Telegram ալիքում, գրում է BBC-ի ռուսական ծառայությունը։
Խաբարովսկի նահանգապետը պնդում է, որ այժմ բոլոր սխալմամբ մոբիլիզացվածները վերադարձել են տուն, իսկ շրջանի զինվորական կոմիսար Յուրի Լայկոն հեռացվել է զբաղեցրած պաշտոնից։
Դեգտյարյովն առաջին նահանգապետը չէ, որը զեկուցում է «սխալների» վերացման մասին, որի մասին Վլադիմիր Պուտինը հայտարարել է սեպտեմբերի 21-ին և անվանել «մասնակի», բայց տուն վերադարձածների 50%-ի մասին դեռ ոչ ոք չի հայտնել։
«10 օրվա ընթացքում մի քանի հազար մեր հայրենակիցներ կանչեր են ստացել և ժամանել են զինկոմիսարիատներ, նրանցից մոտ կեսին վերադարձրել ենք տուն՝ պայմանագրով զինվորական ծառայության անցնելու ընտրության չափանիշներին չբավարարելու պատճառով։ Չարաշահումները պետք է վերացվեն։ Ավելին՝ Խաբարովսկի երկրամասի զինվորական կոմիսար Յուրի Լայկոն այսօր հեռացվել է պաշտոնից: Դա չի ազդի այն խնդիրների կատարման վրա, որոնք նախագահը դրել է մեզ վրա»,- հայտնել է Դեգտյարյովը:
Յակուտիայի մոտ 300 բնակիչներ, որոնք սխալմամբ մոբիլիզացվել են, նույնպես վերադարձել են հանրապետություն, երկուշաբթի ասել է Յակուտիայի տարածաշրջանային հանրային պալատի ղեկավար Նիկոլայ Բուգաևը։
Տաթև Ֆռանգյան
