27.07.2026 | 20:02
Ինչպես են իրականացվել գաղտնալսումները․ Հակակոռուպցիոն կոմիտեի փոխնախագահը մանրամասներ է պատմում. ՏԵՍԱՆՅՈՒԹ
Պուտինը «Հյուսիսային հոսք» գազատարների վրա պայթյունների կազմակերպման համար «անգլո-սաքսոններին» է մեղադրել
Քաղաքականություն
30.09.2022 | 18:08
ՌԴ նախագահ Վլադիմիր Պուտինն օկուպացված ուկրաինական տարածքների անեքսիայի կապակցությամբ Կրեմլում կազմակերպված արարողության ժամանակ ունեցած ելույթում «անգլո-սաքսոններին» մեղադրել է «Հյուսիսային հոսք» գազատարների վրա պայթյուններ կազմակերպելու համար։
«Անգլո-սաքսոններին պատժամիջոցները բավարար չեն։ Նրանք դիմեցին դիվերսիայի՝ անհավանական, բայց իրական՝ պայթյուններ կազմակերպելով «Հյուսիսային հոսք» միջազգային գազատարների վրա, որոնք անցնում են Բալթիկ ծովի հատակով: Փաստորեն, սկսել են ոչնչացնել համաեվրոպական էներգետիկ ենթակառուցվածքը։ Բոլորի համար էլ պարզ է, թե ում է դա ձեռնտու։ Ում ձեռնտու է, իհարկե, նա էլ արել է»,- հայտարարել է ՌԴ ղեկավարը։
Հիշեցնենք՝ սեպտեմբերի 26-ին արտակարգ դեպք է տեղի ունեցել միանգամից երկու գազատարներում։ Դանիայի և Շվեդիայի իշխանությունների տեղեկությունների համաձայն՝ գազի երկու արտահոսք է եղել «Հյուսիսային հոսք 1»-ում և մեկ արտահոսք՝ «Հյուսիսային հոսք 2»-ում, Բորնհոլմ կղզու շրջանում։
Գերմանիան, Դանիան և Շվեդիան չեն բացառել նպատակաուղղված դիվերսիայի տարբերակը։
Տաթև Ֆռանգյան
