13.10.2026 | 13:05
«Ձեռնպահ ենք քվեարկել, ոչ թե դեմ»․ Արեգա Հովսեփյանը հակադարձում է Նազելի Բաղդասարյանին
Եթե վարչապետը ոգևորվելու կարիք ունի, կարող է ոգևորվել. Վահրամ Բաղդասարյան
Քաղաքականություն
29.06.2017 | 17:21
Նախագահ Սերժ Սարգսյանը վարչապետ Կարեն Կարապետյանի պաշտոնավարմանն անդրադառնում է այն ժամանակ, երբ նրան դիմում են հարցով, և եթե վարչապետն այդ հայտարարությունից ոգևորվելու կարիք ունի, կարող է ոգևորվել: Այս մասին Factor.am-ի հետ զրույցում ասաց Ազգային ժողովի Հանրապետական խմբակցության ղեկավար Վահրամ Բաղդասարյանը, երբ հետաքրքրվեցինք, թե ինչով է պայմանավորված վերջին մեկ ամսվա ընթացքում նախագահ Սարգսյանի կողմից Կարապետյանի պաշտոնավարման հարցին երկրորդ անգամ անդրադառնալու փաստը, հնարավո՞ր է՝ նպատակը վարչապետին ոգևորելն է:
«Մենք Կարեն Կարապետյանին վստահել ենք մեկ տարի առաջ, վստահել ենք ընտրություններից հետո, որին դուք վկա էինք, նրա ներկայացրած ծրագրի հանդեպ ունենք վստահություն, չկա որևէ առիթ թերահավատություն ունենալու»,- ասաց Բաղդասարյանը՝ նշելով, որ ճիշտ չի համարում 2018-ից մեկ տարի առաջ խոսել Հայաստանի քաղաքական ապագայի մասին:
Հիշեցնենք ՝ նախագահ Սերժ Սարգսյանն այսօր մասնակցել է կառավարության նիստին, որի ընթացքում հայտարարել է`Կառավարության ներկայիս կազմը՝ վարչապետ Կարեն Կարապետյանի գլխավորությամբ, վայելում է իր և Հանրապետական կուսակցության լիակատար վստահությունը:
Շողիկ Գալստյան
