21.04.2026 | 19:15
Պուտինը գիտի՝ ռուսամետ ուժերը ՀՀ-ում իշխանության չեն գա, ուզում է՝ ԱԺ մտնեն, ՌԴ-ի շահերը պաշտպանեն․ Միքայել Զոլյան. ՏԵՍԱՆՅՈՒԹ
Ամենամեծ տարածքային կորուստներն ունեցել ենք Ջերմուկում. Առաքել Մարտիկյան․ ՏԵՍԱՆՅՈւԹ
Քաղաքականություն
29.09.2022 | 19:06
Հայաստանում հավատարմագրված դիվանագիտական ներկայացուցիչներն այս պահին Գեղարքունիքի մարզում են․ նրանց թվում են ՀՀ-ում ԵՄ դեսպան Անդրեա Վիկտորինը, Նիդերլանդների թագավորության դեսպան Նիկոլաս Յակոբ Սխերմերսը, ՌԴ դեսպան Սերգեյ Կոպիրկինը, ԱՄՆ փոխդեսպանը, ՄԱԿ-ի մշտական համակարգողի ժամանակավոր պաշտոնակատարը և այլք:
ՀՀ ԶՈՒ Գլխավոր շտաբի պետի տեղակալ գեներալ-մայոր Առաքել Մարտիկյանն օտարերկրյա դիվանագետներին է ներկայացրել ստեղծված իրավիճակը։
Նշենք, որ այսօր Գեղարքունիքի Սոթք, Կութ համայնքներ են այցելել Հայաստանում հավատարմագրված դիվանագիտական ներկայացուցչությունների ներկայացուցիչները: ՏԿԵ նախարար Գնել Սանոսյանը նրանց հայտնել է, որ միայն Սոթքում 148 տուն է վնասվել:
ԳՇ պետի տեղակալի խոսքով՝ այսօրվա ընթացքում շփման ողջ երկայնքով իրավիճակը եղել է համեմատաբար հանգիստ՝ բացառությամբ մի քանի կրակի ռեժիմի խախտումների. «Վերջին խոշոր խախտումը եղել է երեկ առավոտյան՝ Ջերմուկի շրջանում, որտեղ կիրառել են 82 մմ ականանետ և ԱԹՍ-ներ, որի արդյունքում ունեցել ենք ևս երեք զոհ»:
«Վերջին դեպքերի ժամանակ ամենամեծ տարածքային կորուստներն ունեցել ենք Ջերմուկում, ադրբեջանցիներին հաջողվել է մի քանի մարտական դիրք գրավել։ Մարտավարական տեսանկյունից այդ դիրքերն այնքան էլ կարևոր չեն, բայց ռազմավարական տեսանկյունից կարևոր են, քանի որ կախված են մեր բնակավայրերի վրա, և կարողանում են որոշակի հսկողություն սահմանել մեր ճանապարհների վրա, և ամենակարևորը՝ հոգեպես և բարոյապես ճնշում են մոտակա գյուղերի բնակչությանը՝ իրենց ներկայությամբ»,- նշեց Առաքել Մարտիկյանը։
Մանրամասները՝ տեսանյութում։
