Քոչարյանը փրկում է ՌԴ-ում իր կարողությունները․ ռիսկի կդիմի՝ Կրեմլի դեմ խոսելով․ Գարեգին Միսկարյան․ ՏԵՍԱՆՅՈՒԹ

«Ռոբերտ Քոչարյանն այսօր անթաքույց ասաց, որ ինքը հավատարիմ է «ՌԴ-ի գաղութ ՀՀ» գաղափարին, ինչը 30 տարի ունեցել ենք։ Նա ՌԴ-ում ունի բիզնես շահեր, և այսպիսով՝ փրկում է իր կարողությունները։ Ինքը ռիսկի կդիմի՝ Կրեմլի դեմ խոսելով»,- Factor TV-ին տված հարցազրույցում տեսակետ է հայտնում «Ժողովրդավարական հարթակ» հիմնադրամի ղեկավար Գարեգին Միսկարյանը։

Այսօր ՀՀ երկրորդ նախագահը, ի զարմանս շատերի, ընդունեց, որ ՀՀ-ում հակառուսականության արգումենտներ կան։ Ինքն էլ դժգոհեց ՀԱՊԿ-ից՝ ասելով՝ աշխարհաքաղաքական անմեղսունակություն է մտածելը, որ ՀԱՊԿ-ն որևէ քայլ կձեռնարկի Ադրբեջանի դեմ։ Նույն կերպ ասաց՝ ՌԴ-ն չի պատերազմելու Ադրբեջանի հետ, քանի որ ՌԴ-ն դաշնակցային հարաբերություններ է կառուցում Բաքվի հետ, և դա սպասելն անհեթեթություն է։ Նա հնչեցրեց հայտնի ճշմարտություններ, բայց այսքանով հանդերձ՝ ասաց, որ ինքը մտահոգ է ՀՀ-ում հակառուսական տրամադրություններով։ Եվ, այդուհանդերձ, Քոչարյանն էլի ապավինում է ՌԴ-ին։

«Աշխարհը փոխվելու է, բայց, այնուամենայնիվ, ՌԴ-ն մնալու է մեր ռազմավարական գործընկերը»,- ասել է նա։

Գարեգին Միսկարյանը հերքում է նրա պնդումները․ «Հայաստանում եթե նույնիսկ կա հակառուսականություն, դա ոչ թե ռուս ժողովրդի նկատմամբ է, այլ ՌԴ-ում գործող արժեհամակարգի և դրանով շարժվող իրենց քաղաքական էլիտայի նկատմամբ։ Եվ դա տրամաբանական է, որովհետև ՌԴ էլիտայի ունեցած առաջնահերթություններն ուղիղ հակասության մեջ են հայ ժողովրդի պետական շահերի, հայոց պետականության հետ։ Նրանց կայսերապաշտական մղումները վնասում են թե՛ իրենց, թե՛ մեզ»։

Այս իմաստով, ըստ Միսկարյանի, ժողովրդավարական Հայաստանն իր հերթին է վտանգ ՌԴ-ի և Ադրբեջանի համար, քանի որ դրանք ավտորիտար ռեժիմներ են։ Իրականության մեջ մեր ժողովրդավարությունը խարխլում է իրենց ավտորիտարիզմի հիմքերը, բացի այդ, ըստ հանրային գործչի, իրականում համընկնում են Բաքվի և Մոսկվայի իշխանությունների շահերը, ոչ թե Երևանի մղումների հետ։

Հարցազրույցն ամբողջությամբ՝ տեսանյութում։

Ռոբերտ Անանյան