25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Հյուսիսային Օսիայի անցակետում զինկոմիսարիատի մոբիլիզացիոն կետ է տեղակայվելու
Քաղաքականություն
27.09.2022 | 13:42
Հյուսիսային Օսիայում՝ Վրաստանի հետ սահմանի Վերին Լարս անցակետում առաջիկայում մոբիլիզիացիոն կետ է տեղակայվելու։ Այս մասին ՌԻԱ Նովոստիին հայտնել է ՌԴ ՆԳՆ տարածաշրջանային վարչությունը։
Նշվում է, որ նման որոշում են կայացրել խորհրդակցության մասնակիցները, որը գումարվել է տրանսպորտային միջոցների հոսքի զգալի աճի ֆոնին։ Հանդիպմանը մասնակցել են Հյուսիսային Օսիայի ներքին գործերի նախարարը, ճանապարհային ոստիկանության պետը, ԱԴԾ-ի տարածաշրջանի և Հյուսիսային Օսիայի մաքսատան սահմանային վարչության պետերը։
«Չնայած ձեռնարկված միջոցառումներին՝ իրավիճակը շարունակում է մնալ ծայրահեղ լարված: Որոշում է կայացվել թույլ տալ քաղաքացիներին ոտքով հատել սահմանը, նախատեսվում են մի շարք հետագա միջոցառումներ՝ օրենսդրության և ճանապարհային անվտանգության առումով: Բացի այդ, մոտ ժամանակներս անցակետում կտեղակայվի զինկոմիսարիատի զորահավաքային կետ»,- ասվում է հրապարակման մեջ։
Նախօրեին Հյուսիսային Օսիայի կառավարության մամուլի ծառայությունը հայտնել էր, որ Վերին Լարսի անցակետում մոտ 3500 մեքենա է սպասում՝ Վրաստան անցնելու համար։
Տաթև Ֆռանգյան
