15.12.2025 | 18:01
Զինվորին, ըստ ՔԿ-ի, ինքնասպանության են հասցրել // ԱՄՆ-ն ցանկանում է` Կիևը զիջի արևելյան Դոնբասը
ԱՄՆ-ում Հայաստանի դեսպանը հանդիպումներ է ունեցել Սիլիկոնյան հովտում
Քաղաքականություն
29.06.2017 | 15:59
ԱՄՆ-ում ՀՀ դեսպան Գրիգոր Հովհաննիսյանը հունիսի 23-24-ին այցելեց Սիլիկոնյան հովիտ, որտեղ մի շարք հանդիպումներ ունեցավ տեղեկատվական տեխնոլոգիաների ոլորտում առաջատար դիրքեր զբաղեցնող ընկերությունների հետ: Հանդիպումներին քննարկվել են Հայաստանի հետ համագործակցությունն ընդլայնելու ուղիներն այնպիսի ոլորտներում, ինչպիսիք են՝ արհեստական բանականությունը, քվանտային համակարգերն ու կիբերանվտանգությունը: Այս մասին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից;
«Nvidia» ընկերություն կատարած այցի ու նրա ղեկավարության հետ հանդիպման ընթացքում դեսպանը ծանոթացել է ընկերության նորագույն արտադրանքին, որում հիմնական շեշտը դրվում է արհեստական բանականության ու ինքակառավարվող մեքենաների վրա:
«Accenture Liquid Studio» ընկերությունում ՀՀ դեսպանին ներկայացրել են ՏՏ ոլորտի ընկերությունների հետ իրենց աշխատանքի հիմնական առանձնահատկությունները և ցուցադրեցին մի շարք նորարարություններ:
Դեսպան Հովհաննիսյանը հանդիպումներ է ունեցել նաև Սիլիկոնյան հովտում աշխատող մի շարք հայ մասնագետների հետ, ներկա գտնվեց «Synopsys» ընկերության ու Հայկական բարեգործական ընդհանուր միության կողմից կազմակերպված քննարկմանը:
Հանդիպմանը քննարկվել է Հայաստանի կողմից Սիլիկոնյան հովտում աշխատող հայկական ՏՏ ընկերություններին աջակցություն ցուցաբերելու մեխանիզմների մշակման, ինչպես նաև Սիլիկոնյան հովտի հայ մասնագետների կողմից Հայաստանում պարբերաբար վերապատրաստման դասընթացներ անցկացնելու հարցերը։
