18.05.2026 | 17:07
Աշխատավարձեր ՀՀ-ից և Քուվեյթից․ ինչ է հայտարարագրել «Քոչարի ազգային վերածնունդ և ազգի զարթոնք»-ի առաջին համարը
ՌԴ-ն ակնարկել է, թե ՇՀԿ-ին միանալու համար Թուրքիան պետք է դուրս գա ՆԱՏՕ-ից
Քաղաքականություն
20.09.2022 | 16:30
Շանհայի համագործակցության կազմակերպությունը (ՇՀԿ) ասոցիացիային անդամակցելու Թուրքիայի հայտը կքննարկի՝ այն ստանալուն պես։ Այս մասին հայտարարել է ՌԴ նախագահի ՇՀԿ հարցերով հատուկ բանագնաց, ՌԴ ԱԳՆ հատուկ հանձնարարություններով դեսպան Բախտիեր Խակիմովը, գրում է ՌԻԱ Նովոստին։
Խակիմովը նշել է, որ Թուրքիան վաղուց է մասնակցում ՇՀԿ-ի աշխատանքներին՝ որպես երկխոսության գործընկեր, ներգրավված է մրցակցային գործնական գործունեության մեջ։
«Եթե դիմում ստացվի, այն ուշադրությամբ կքննարկվի, այս պահին դիմում չկա։ Մենք ունենք նոր անդամների ընդունման կանոնակարգեր, որոնք նախատեսում են մի շարք չափանիշներ։ Դրանց թվում է Եվրասիական տարածաշրջանին պատկանելությունը, ակտիվ դիվանագիտական և առևտրատնտեսական, մշակութային կապերը ՇՀԿ-ի անդամ երկրների հետ, հակամարտությունների բացակայությունը՝ ինչպես ՇՀԿ անդամների հետ, այնպես էլ արտաքին հակամարտություններում չներգրավումը, ՄԱԿ-ի ԱԽ պատժամիջոցների բացակայությունը, ինչպես նաև ՇՀԿ անդամների դեմ ուղղված գործողություններում կամ թշնամական դաշինքներին չմասնակցելը»,- ասել է ՌԴ ներկայացուցիչը։
Նա նշել է, որ Թուրքիան ՆԱՏՕ-ի անդամ է, որը Ռուսաստանին հայտարարել է ոչ միայն հակառակորդ, այլև թիվ մեկ թշնամի։
Ռուս պաշտոնյան նշել է, որ Թուրքիային և ՇՀԿ-ինկապող դրական կողմերից զատ՝ կան գործոններ, որոնք մանրակրկիտ ուսումնասիրվելու են։
Էմմա Չոբանյան
