Քաղաքականություն
20.09.2022 | 09:14ԱՄՆ պետքարտուղար Էնթոնի Բլինքենը հայտարարել է, որ հյուրընկալել է Հայաստանի և Ադրբեջանի արտգործնախարարներին։ Ամերիկացի բարձրաստիճան պաշտոնյան թվիթերյան իր էջում տեղեկացրել է, որ կողմերին կոչ է արել նստել բանակցությունների սեղանի շուրջ։
«Այսօր իմ մասնակցությամբ ուղիղ բանակցություններ տեղի ունեցան Հայաստանի արտգործնախարար Արարատ Միրզոյանի և Ադրբեջանի արտգործնախարար Ջեյհուն Բայրամովի միջև։ Ինչպես ասացի հանդիպման ընթացքում՝ ժամանակն է, որ զորքերը հետ քաշվեն ու դիվանագետները վերադառնան սեղանի շուրջ»,- գրել է Բլինքենը՝ հանդիպումից լուսանկարներ հրապարակելով։
Տաթև Ֆռանգյան
