04.02.2026 | 13:19
Բաբկեն Թունյանի ճեպազրույցը. ՈՒՂԻՂ
Ջերմուկը՝ ադրբեջանական ագրեսիայից հետո․ վնասները ներկայացվել են դիվանագետներին․ ԼՈՒՍԱՆԿԱՐՆԵՐ
Քաղաքականություն
16.09.2022 | 17:35
ՀՀ-ում հավատարմագրված դիվանագիտական ներկայացուցչությունների և միջազգային կազմակերպությունների ղեկավարներն այսօր այցելել են Ջերմուկ։ ՀՀ ԳՇ պետ Էդվարդ Ասրյանը նրանց ներկայացրել է ադրբեջանական ագրեսիայի հետևանքներով վնասված քաղաքացիական ենթակառուցվածքները։ Նիդերլանդների, Մեծ Բրիտանիայի, ԱՄՆ-ի, Ֆրանսիայի, ԵՄ-ի, Չինաստանի, Արգենտինայի դեսպանները, Վրաստանի գործերի ժամանակավոր հավատարմատարը, այլ երկրների դեսպանատների ներկայացուցիչներ, ռազմական կցորդներ՝ընդհանուր առմամբ 29 դիվանագետներ, հնարավորություն են ունեցել անձամբ ծանոթանալու քաղաքի հրետակոծության և հրթիռակոծության հետևանքներին։ Ուշագրավ է, որ այցին չեն մասնակցել ՀԱՊԿ անդամ Բելառուսի և Ղազախստանի դեսպանները (Տաջիկստանն ու Ղրղզստանը ՀՀ-ում դեսպանատուն չունեն), իսկ ՌԴ-ն ներկայացված է եղել ոչ դեսպանի մակարդակով, ի տարբերություն ԱՄՆ-ի և եվրոպական տերությունների։
Արփի Հակոբյան
