20.11.2024 | 20:18
Արևմուտքի հետ լարվածության ֆոնին Պուտինը դադարել է ներկայանալ հանրությանը
Ադրբեջանը ևս 10 ք/կմ է օկուպացրել ՀՀ տարածքից․ ինչպե՞ս կանխել նոր լայնածավալ պատերազմը, դուրս շպրտել թշնամուն․ ՏԵՍԱՆՅՈՒԹ
Քաղաքականություն
14.09.2022 | 20:02
ՀՀ Պաշտպանության նախարարությունից հայտնում են, որ ժամը 15:00-ի դրությամբ՝ իրադրությունը հայ-ադրբեջանական սահմանագծին կրկին ծայրահեղ լարվել է․ «Ժամը 13։00-ից սկսած Սոթքից Գորիս ընկած ամբողջ սահմանագծով թշնամին վերսկսել է ինտենսիվ հրթիռահրետանային հարվածները՝ թիրախավորելով նաև խաղաղ բնակավայրերը, լայնորեն կիրառելով ԱԹՍ-ներ»։
Վերսկսել են նաև դիրքային առաջխաղացման փորձերը. «Հատկանշական է, որ հարվածներ են սկսել հասցվել ռազմական գործողությունների գոտում հումանիտար առաքելություն իրականացնող ՌԴ Անվտանգության դաշնային ծառայության տրանսպորտային միջոցներին»։
Նիկոլ Փաշինյանն ԱԺ-ում հայտնեց 105 զոհի մասին։ Բրյուսելում Փաշինյան-Ալիև բանակցություններում պահպանվել են հիմնական տարակարծությունները։ Նիկոլ Փաշինյանը ԱԺ-ի ամբիոնից ներկայացրեց այն լրջագույն խնդիրները, որոնք այս պահին անլուծելի են թվում Ադրբեջանի հետ․ Բաքուն պահանջում է պայմանագրի կնքում բացառապես իր 5 կետերի հիման վրա, պահանջում է ԼՂ-ն ճանաչել իր կազմում, բայց ՀՀ իշխանությունը հրաժարվում է դա անել։ Ադրբեջանը հրաժարվում է ՀՀ-ի հետ խոսել ԼՂ-ից՝ ասելով, որ լավագույն դեպքում կխոսի ԼՂ-ի ներկայացուցիչների հետ՝ Ադրբեջանի Սահմանադրության շրջանակներում։ Ալիևը պահանջում է միջանցք։ Բրյուսելի հանդիպումից ևս մեկ դրվագ՝ Ադրբեջանը միանշանակ չի արձագանքում ՀՀ-ի հարցին՝ Ադրբեջանը տարածքային ամբողջականություն ասելով՝ հասկանո՞ւմ է, արդյոք, 2021-ի մայիսի 12-ին և 90-ականներին ՀՀ-ից օկուպացրած տարածքները։ Փաշինյանը հիշեցրեց Ալիևի բարձրաձայն տարածքային հավակնությունները ՀՀ տարածքների նկատմամբ՝ Նռնաձորից սկսած մինչև Սյունիք և Երևանով ավարտված։ Իսկ դեմարկացիայի տակ Ադրբեջանը հասկանում է որոշ այլ տարածանքեր։ Փաստացի դիվանագիտության ձախողումը բերել է ռազմական գործողությունների։
Արդյո՞ք սա պարտադրված ելք էր, թե՞ կարող էր խաղաղ լուծում լինել։ Factor TV-ում հրավիրված քննարկմանը մասնակցում են Ազգային անվտանգության և ռազմական հարցերով փորձագետ, քաղաքական գիտությունների դոկտոր Հրաչյա Արզումանյանը, քաղաքագետ Ռոբերտ Ղևոնդյանը, Միջազգային և անվտանգության հարցերի հայկական ինստիտուտի հետազոտական ծրագրերի համակարգող Ռուբեն Մեհրաբյանը, քաղաքագետ Գուրգեն Սիմոնյանը։
