16.12.2025 | 18:33
Դատարանի դահլիճում սպանության փորձ կատարելու դեպքով նախաձեռնված քրեական վարույթի նախաքննությունն ավարտվել է․ ՔԿ
Ղազախստանի նախագահը հավանություն է տվել մայրաքաղաքն անվանափոխելու առաջարկին
Քաղաքականություն
14.09.2022 | 15:15
Ղազախստանի նախագահ Կասիմ-Ժոմարտ Տոկաևը համաձայնել է երկրի մայրաքաղաք Նուր-Սուլթանը նախկին անունով՝ Աստանա կոչելու առաջարկին, գրում է VOA-ն։
Տոկաևի խոսնակ Ռուսլան Ժելդիբայը Facebook-ում գրել է, որ նախագահը պաշտպանել է առաջարկը, որը կներառվի երկրի Սահմանադրության փոփոխությունների առաջիկա ցանկում։
Սեպտեմբերի 2-ին «Նոր Ղազախստան» խորհրդարանական խմբի անդամներն առաջարկել են փոխել մայրաքաղաքի ներկայիս անունը՝ Նուր-Սուլթան, որը տրվել է ի պատիվ երկրի առաջին նախագահ Նուրսուլթան Նազարբաևի, նախկին անունով՝ Աստանա:
Տոկաևն Աստանան Նուր-Սուլթան էր վերանվանել 2019 թվականին՝ մեկ օր անց այն բանից հետո, երբ Նազարբաևը, որը ղեկավարում էր նախկին խորհրդային հանրապետությունը գրեթե երեք տասնամյակ, հայտարարեց իր հրաժարականի մասին և Տոկաևին ընտրեց որպես իր իրավահաջորդ։
Նախագահի պաշտոնը թողնելուց հետո Նազարբաևը պահպանել է լայն լիազորություններ որպես Անվտանգության խորհրդի ղեկավար։ Նա նաև նշանակալի իրավունքներ ուներ որպես «էլբասի»՝ ազգի առաջնորդ։
Տաթև Ֆռանգյան
