Ստեփանակերտ-Երևան ճանապարհին այս պահի դրությամբ նորմալ երթևեկություն կա․ այս մասին Factor.am-ին հայտնեց ԱՀ Արտաքին գործերի նախարար Դավիթ Բաբայանը։
«Երթևեկությունը երբեք չի դադարեցվել, եղել է միայն խիստ անհրաժեշտության դեպքում։ Այժմ բնականոն հունով ընթանում է։ Այսինքն, երթևեկություն կա, հիմա կտեսնենք, եթե հանկարծ խնդիր լինի, բնական է՝ համապասխան քայլեր կձեռնարկվեն անվտանգությունը ապահովելու համար»,-ասաց Բաբայանը։
Հիշեցնենք, երեկ Արցախի տեղեկատվական շտաբը հայտնել էր, որ Ստեփանակերտ-Երևան միջպետական ճանապարհի տարբեր հատվածներ մոտիկ են ռազմական գործողությունների վայրերին, այն երթևեկության համար կարող է վտանգավոր լինել: Շտաբը հորդորել էր քաղաքացիներին այդ ընթացքում երթևեկել միայն խիստ անհրաժեշտության պարագայում։
Անի Թամրազյան
